Ձերբակալվել է նաև ավտոբուսում տեսանյութը նկարահանած կինը

ՆԳՆ Համայնքային ոստիկանության Կենտրոնական բաժնի ծառայողները խուլիգանություն կատարելու կասկածանքով ձերբակալել են նաև տեսանյութը նկարահանած կնոջը, ով կներկայացվի նախաքննական մարմին։ Այս մասին տեղեկացնում են ՆԳՆ-ից: 
 
Հավելենք, որ ավելի վաղ Երևանի հանրային տրանսպորտում կնոջը վիրավորելու միջադեպի առնչությամբ քրեական վարույթ էր նախաձեռնվել՝ հոգեկան ուժեղ տառապանք պատճառելու և խուլիգանություն կատարելու հոդվածների հատկանիշներով։
 Հիշեցնենք, որ հոկտեմբերի 19-ին համացանցում տեսանյութ էր տարածվել, որում երևում էր, թե ինչպես է Երևանի ավտոբուսներից մեկում տղամարդը կոպիտ արտահայտություններով դիմում հատակին նստած կնոջը՝ պահանջելով «իրեն նորմալ պահել»։ Միջադեպին միջամտել էր մեկ այլ ուղևոր, որը դժգոհություն էր հայտնել տղամարդու պահվածքից և նրանց միջև վիճաբանություն էր սկսվել։ 
Հիշեցնենք, որ հոկտեմբերի 20-ին ՆԳՆ մամուլի քարտուղար Նարեկ Սարգսյանը հայտնել էր, որ Համայնքային ոստիկանության Կենտրոնական բաժնի ծառայողները հայտնաբերել և ձերբակալել են տղամարդուն՝ ներկայացնելով նախաքննական մարմին։

Այս թեմայով Հանրային տրանսպորտում տեղի ունեցած միջադեպի մասնակից տղամարդը ձերբակալվել է Թյուրըմբռնում է, թե իբր նախատեսվում է արգելել մարզային տրանսպորտի մուտքը Երևան. Գրիգորյան Երևանում դանակահարության դեպքով 7 անձ է ձերբակալվել․ 20-ամյա երիտասարդի կյանքը փրկվել է Տևական ժամանակ է՝ Երևանում երթևեկությունը կաթվածահար է. Դանիելյան Կաշառք տալու և ստանալու դեպքերով ձերբակալվել է 8 անձ, այդ թվում՝ Գյումրու պետական երաժշտական քոլեջի ընդունելության հանձնաժողովի փոխնախագահը