Ռուսաստանում տասնյակ միգրանտներ են ձերբակալվել և զինկոմիսարիատ ներկայանալու ծանուցագրեր բաժանվել

Իրավապահ մարմինները լայնածավալ ստուգումներ են իրականացրել Ռուսաստանի Սանկտ Պետերբուրգ քաղաքի միգրանտների շրջանում։  Ստուգումների ընթացքում տասնյակ մարդիկ ձերբակալվել, իսկ մի շարք անձանց զինկոմիսարիատ ներկայանալու ծանուցագրեր են հանձնվել։

Ինչպես հաղորդում է «Կոմերսանտ» պարբերականը՝ հղում անելով «ՌԻԱ Նովոստիին», հոկտեմբերի 16-ին իրավապահները ստուգումներ են իրականացրել Սանկտ Պետերբուրգի Սեննայա շուկայում, որի շրջանակներում մի քանի հարյուր ուժայիններ շրջափակել են տարածքը և ժամանակավորապես դադարեցրել շուկայի աշխատանքը։

Աղբյուրի հաղորդմամբ, ստուգումների ընթացքում տասնյակ մարդիկ են ձերբակալվել միգրացիոն փաստաթղթերում հայտնաբերված խախտումների պատճառով։ Միաժամանակ, զինկոմիսարիատների ներկայացուցիչները ստուգել են վերջերս Ռուսաստանի քաղաքացիություն ստացած անձանց զինվորական հաշվառման փաստաթղթերը։

Իրավապահների տվյալներով՝ մի քանի տասնյակ անձանց զինկոմիսարիատ ներկայանալու ծանուցագրեր են հանձնվել՝ զինվորական հաշվառման հարցերը կարգավորելու նպատակով։
Ստուգումները չեն սահմանափակվել սակայն միայն շուկայի տարածքով։ Իրավապահներն այցելել են նաև հարակից աղոթատեղի, հանրակացարաններ և սրճարաններ՝ ստուգելու այնտեղ գտնվող անձանց փաստաթղթերը։

Հավելենք, որ Ռուսաստանում նմանատիպ գործողություններ իրականացվել են նաև նախորդ շաբաթներին։ Հոկտեմբերի 7-ին Մոսկվայի հանրակացարաններից մեկում ստուգվել է ավելի քան 800 մարդ։ Նրանցից 15-ը, որոնք ստացել էին Ռուսաստանի քաղաքացիություն, սակայն չէին հաշվառվել զինկոմիսարիատում, տեղափոխվել են զինվորական կոմիսարիատ։ Բացի այդ, հայտնաբերվել է միգրացիոն օրենսդրությունը խախտած ավելի քան 40 օտարերկրացի։

Այս թեմայով Ռուսաստանի և Հայաստանի միջև հարաբերություններն այժմ վերապրում են մի փուլ. Սերգեյ Կոպիրկին Ուկրաինան առաջին անգամ հարվածել է Սուրգուտում գտնվող «Գազպրոմի» գործարանին Միացյալ Նահանգներ դիզվառելիքի մատակարարման հետ կապված բոլոր հարցերն արդեն լուծված են. Նովակ Եթե ԱՄՆ-ն միանա Ռուսաստանին, Ուկրաինան ստիպված կլինի համաձայնել խաղաղության՝ անբարենպաստ պայմաններով. The Atlantic Քեշ Պատելը ժամանել է Ռուսաստան