ԿԽՄԿ-ն դեռ չի տեսակցել ՀՀ ներխուժած ադրբեջանցուն

Կարմիր խաչի միջազգային կոմիտեի ներկայացուցիչները դեռ չեն այցելել ՀՀ սահմանն ապօրինի հատած ադրբեջանցի զինծառայող Նասիմի Մուսաևին։ Այս մասին Sputnik Արմենիային հայտնեց Հայաստանում ԿԽՄԿ պատվիրակության հաղորդակցման և հանրային կապերի ծրագրերի ղեկավար Զառա Ամատունին։
«Մենք այդ հարցով զբաղվելու մանդատ ունենք (անկախ այն հանգամանքից, որ Ադրբեջանում ԿԽՄԿ–ն այլևս չի գործում. խմբ.)։ Այս պահին դեռ տեսակցություն տեղի չի ունեցել։ Այս հարցով երկխոսության մեջ ենք Հայաստանի իշխանությունների հետ»,– ասաց Ամատունին։
Հիշեցնենք` հոկտեմբերի 1-ին հայտնի դարձավ, որ Սյունիքի մարզի Սիսիան համայնքի Շաքի բնակավայր ադրբեջանցի զինծառայող է ներթափանցել, գիշերել տներից մեկում, ապա կրակել տուն մտած 39-ամյա Անի Ավետիսյանի ուղղությամբ։ Վիրավոր կինը հասցրել է դանակով հարվածել ադրբեջանցուն՝ Նասիմի Մուսաևին։ Անի Ավետիսյանն այժմ Երևանի «Սուրբ Գրիգոր Լուսավորիչ» ԲԿ–ում է։ Բուժօգնության են դիմել նաև վնասվածք ստացած կնոջ 2 երեխաները։
Մուսաևի նկատմամբ քրեական հետապնդում է հարուցվել 5 հոդվածի հատկանիշներով, և երկամսյա կալանք է կիրառվել։

Այս թեմայով «Ադրբեջանցին չի ներխուժել, մոլորվել է այդ մարդը, մտել հաց է կերել, հետո պառկել քնել է». Ալեն Սիմոնյանը՝ Շաքի ներխուժած ադրբեջանցու մասին Կարմիր խաչը Մուսաևի հարցով կապի մեջ է համապատասխան իշխանությունների հետ. համաձայնության դեպքում կտեսակցեն Սա խաղաղություն չէ, այսպես խաղաղություն չի լինում․ իմ երեխեքին էդ գազшնի ճիրաններից եմ հանել. Անի Ավետիսյան Ինչ է պատմել սահմանն ապօրինի հատած և հայ ընտանիք ներխուժած ադրբեջանցի զինծառայողը․ «Ժողովուրդ» Որքան էլ իշխանությունը փորձի Շաքիի միջադեպի ձայնը խլացնել, թեման սրբագրել, մեկ է՝ դրանից արձանագրված տապալումները չեն վերանա․ Տիգրան Աբրահամյան