Այսօր անտառային ծածկը Վրաստանում 1 մլն հա է կազմում, ինչը երկրի ամբողջ տարածքի 13 տոկոսն է. Կոբախիձե

Վրաստանում անտառների վերականգնումը, անտառտնկումն ընդգրկել են ավելի քան 7000 հա տարածք, և մինչև 2030 թվականը նմանատատիպ աշխատանք իրականացնելու ենք ևս 30 հազար հա-ի վրա: Այդ մասին Կենսաբազմազանության հարցերով առաջնորդների գագաթնաժողովի լիագումար նիստի բացմանն ասաց Վրաստանի վարչապետ Իրակլի Կոբախիձեն:

«Այսօր անտառային ծածկը Վրաստանում 1 մլն հա է կազմում, ինչը երկրի ամբողջ տարածքի 13 տոկոսն է: Դրանք պահպանված են կենսաբազմազանության միջազգային համաձայնագրերի և կոնվեցիաների շրջանակում: Մասնավորապես, կենսաբազմազանության տեսանկյունից երկրի 26 տոկոսն է ընդգրկված հատուկ պահպանվող տարածքներում: Այս տարածքները միջազգայնորեն ճանաչված են, այդ թվում՝ ՅՈՒՆԵՍԿՕ-ի կողմից սահմանված համաձայնագրերում և կենսառեզերվներում, ինչը մեզ համար լավ հնարավորություն է հետագա առաջընթացն ապահովելու համար:

Վրաստանը միտված է համաշխարհային հավակնությունների սպասարկմանը մինչև 2030 թվականը: Այս ամենը ենթադրում է արդյունավետ կառավարում և երկարաժամկետ պահպանություն: Մեր աշխատանքն անցում է կատարում զուտ պահպանությունից դեպի հարատևության երաշխավորում»,- նշեց նա:

Այս թեմայով Վրաստանը հայտ է ներկայացրել ԵԱՀԿ նախագահության համար Թրամփի՝ Կովկասի համար նախատեսված հիմնադրամը գլխավորող դոնորը խոշոր ակտիվներ ունի Հայաստանում և գործարար կապեր՝ Ռուսաստանի հետ Վրաստանի վարչապետ Իրակլի Կոբախիձեն ժամանեց Երևան Մենք շատ ենք ցանկանում վերականգնել համագործակցությունը Վրաստանի իշխանությունների հետ.Կոս Վրաստանում մշակույթի օրեր են՝ նվիրված ՀՀ անկախության 35–ամյակին. նախարարը Թբիլիսիում է