Ուկրաինան առաջին անգամ հարվածել է Սուրգուտում գտնվող «Գազպրոմի» գործարանին

Ուկրաինայի զինված ուժերը հոկտեմբերի 16-ի ցերեկը անօդաչու սարքերով հարձակվել են Խանտի-Մանսիական ինքնավար օկրուգ Յուգրայի վրա։ Արդյունքում «Սուրգուտի շրջանում գտնվող արդյունաբերական օբյեկտում հրդեհ է բռնկվել», այս մասին հայտնել է նահանգապետ Ռուսլան Կուխարուկը։ Վնասի ծավալները ճշտվում են։ Հարվածի ընթացքում խոցվել է Չեռնոմիրդինի անվան Սուրգուտի կոնդենսատի կայունացման գործարանը, այս մասին պատմում են տեղի բնակիչները։ Ուկրաինական մոնիթորինգային Supernova+ ալիքի հրապարակած ականատեսների կադրերում երևում է ձեռնարկությունում ուժեղ հրդեհ՝ սև ծխով։

Նշենք, որ Սուրգուտի կոնդենսատի կայունացման գործարանը գտնվում է Սուրգուտի շրջանում, որը Ռուսաստանում նավթագազային կոնդենսատային խառնուրդի վերամշակման ամենախոշոր գործարանն է։ Նրա նախագծային հզորությունը կազմում է տարեկան 12 միլիոն տոննա։ Այն արտադրում է ավտոմոբիլային բենզին, դիզելային վառելիք, ավիակերոսին, հեղուկացված ածխաջրածնային գազեր (ՍՈՒԳ) և կայուն գազային կոնդենսատ։ Գործարանը պատկանում է «Գազպրոմ վերամշակում» ընկերությանը։ Սուրգուտից մինչև Ուկրաինայի սահմանը հեռավորությունը 2500 կմ է։ Ուկրաինայի զինված ուժերին առաջին անգամ է հաջողվել խոցել Ռուսաստանի վառելիքաէներգետիկ համալիրի օբյեկտներ Խանտի-Մանսիական ինքնավար օկրուգում։

Հավելենք, որ ավելի վաղ՝ ուրբաթ, Կուխարուկը զգուշացրել էր ԱԹՍ-ների հարձակման սպառնալիքի մասին։ Ռոսավիացիան սահմանափակումներ է մտցրել Սուրգուտի և Կոգալիմի օդանավակայաններում ինքնաթիռների ընդունման և ուղարկման վրա։

Նշենք, որ Ուկրաինան վերսկսել է Ռուսաստանի վառելիքաէներգետիկ համալիրի օբյեկտների վրա հարձակումները հոկտեմբերի 15-ին՝ ԱՄՆ նախագահ Դոնալդ Թրամփի խնդրանքով պայմանավորված եռօրյա դադարից հետո։ Նախօրեին Ուկրաինայի զինված ուժերը խոցել էին Ռյազանի նավթավերամշակման գործարանը՝ երկրում հզորությամբ երրորդը։ Ուկրաինայի նախագահ Վլադիմիր Զելենսկին պարզաբանել է, որ Ռուսաստանը չի պահպանել Թրամփի հայտարարած էներգետիկ զինադադարը և միայն մեկ շաբաթվա ընթացքում սպանել է ավելի քան 100 խաղաղ բնակչի, ուստի նավթավերամշակման գործարաններին հարվածելու արգելքը հանվել է։

Այս թեմայով Ռուսաստանում տասնյակ միգրանտներ են ձերբակալվել և զինկոմիսարիատ ներկայանալու ծանուցագրեր բաժանվել Ռուսաստանի և Հայաստանի միջև հարաբերություններն այժմ վերապրում են մի փուլ. Սերգեյ Կոպիրկին Միացյալ Նահանգներ դիզվառելիքի մատակարարման հետ կապված բոլոր հարցերն արդեն լուծված են. Նովակ Եթե ԱՄՆ-ն միանա Ռուսաստանին, Ուկրաինան ստիպված կլինի համաձայնել խաղաղության՝ անբարենպաստ պայմաններով. The Atlantic Քեշ Պատելը ժամանել է Ռուսաստան