Հարևանների համար շրջակա միջավայրի խնդիրներն ընդհանուր են. Փաշինյանը՝ Ադրբեջանի և Թուրքիայի հետ գործակցության մասին
Նիկոլ Փաշինյանը կարևոր է համարում այն, որ COP17 համաժողովը Երևանը հյուրընկալում է Ադրբեջանի հետ ավելի քան 30-ամյա հակամարտության ավարտից հետո:
«Արմենպրես»-ի փոխանցմամբ՝ այս մասին վարչապետը նշեց «Առաջնորդները՝ հանուն բնության» խորագրով գագաթնաժողովի շրջանակում կազմակերպված քննարկման ընթացքում:
«Հակամարտության ներքին հետևանքը կենսաբազմազանության վրա մեզ համար տեսանելի է, դրան հետևեց էներգետիկ ճգնաժամը, որի հետևանքով հազարավոր հեկտարներ անտառներ հատվեցին Հայաստանի Հանրապետությունում, որսագողությունը, ըստ էության, Սևանում ձկնային պաշարների ոչնչացման եզրին հասնելը: Մեր տարածաշրջանի օրինակով կարող եմ ասել, որ սահմանների պաշտպանական և ամրաշինական կառույցների, ըստ էության, չպլանավորված և անվերահսկելի կառուցումը մեծ խնդիրներ է առաջացնում այդ թվում կենսաբազմազանության տեսակետից: Այնտեղ, որտեղ խանգարում են անտառները պաշտպանության տրամաբանությանը, այդ անտառները հատվում են, այնտեղ, որտեղ այլ բնական միջավայր է որոշակի խնդիրներ առաջացնում, այդ բնական միջավայրը փոխվում է: Հակամարտության գոտիներում սովորաբար լինում են ականապատ դաշտեր և բազմաթիվ կենդանիներ ուղղակի պայթում են այդ ականների վրա: Մի իքս պահի արձանագրում ենք, որ կենդանիների որոշակի տեսակներ, բնության որոշակի հատվածներ պարզապես ոչնչացվել են»,- ասաց Փաշինյանը:
Վարչապետն ընդգծեց, որ հակամարտությունները շատ դեպքերում բացառում են երկրների համագործակցությունը կենսաբազմազանության տրամաբանության մեջ և սրանով հասցված վնասներն էլ ավելի մեծ ազդեցություն են ստանում:
«Իհարկե, խաղաղությունն ու կենսաբազմազանությունը շատ մեծ նշանակություն ունեն, թե՛ ներքին, թե՛ անդրսահմանային իմաստներով: Խաղաղության հաստատման գործընթացում շրջակա միջավայրի հարցերը ներկա են, նաև Ադրբեջանի հետ նախաստորագրված խաղաղության համաձայնագրի վավերացումից հետո ավելի ընդարձակ անդրադարձ կլինի շրջակա միջավայրի հետ կապված հարցերին: Մենք այսօր արդեն իսկ քննարկում ենք, թե շրջակա միջավայրի որ ոլորտում է, որ կարող ենք համագործակցություն ունենալ: Մենք ունենք ընդհանուր գետեր, որոնք մի երկրի տարածքում սկսվում են, շարունակվում են մեկ այլ երկրի տարածքում: Կենսաբազմազանությունն այն է, որ միացնում է երկրները և այստեղ համագործակցելու շատ մեծ հնարավորություն և պոտենցիալ կա»,- նշեց վարչապետը:
Նիկոլ Փաշինյանը հավելեց՝ Հայաստանի դիվանագիտական հարաբերություններ չունի նաև մյուս հարևանի՝ Թուրքիայի հետ, բայց ունի շրջակա միջավայրի ոլորտում գործակցության մեծ փորձ:
«Ունենք շատ դրական երկխոսություն և համոզված եմ, որ առաջիկայում այստեղ էլ պատմական փոփոխությունների կհասնենք: Ջրային ռեսուրսների կառավարման հարցում համագործակցության փորձ ունեն Հայաստանն ու Թուրքիան: Հարևանների համար շրջակա միջավայրի խնդիրներն ընդհանուր են»,- ասաց Փաշինյանը:
Ռուսաստանի և Հայաստանի միջև հարաբերություններն այժմ վերապրում են մի փուլ. Սերգեյ Կոպիրկին
Տիգրան Կարապետյանը՝ Եվրոպայի փոխչեմպիոն
Մենք Թուրքիայի հետ ջրային ոլորտում համագործակցության ներուժ ունենք. Փաշինյան
Խաղաղության համաձայնագրի վավերացումից հետո Ադրբեջանի հետ ավելի ընդարձակ անդրադարձ կլինի շրջակա միջավայրի խնդիրներին. Փաշինյան
Մենք սերտ կապի մեջ ենք մեր հայ ընկերների հետ, գիտենք՝ նրանք ոչինչ չեն անի Իրանի անվտանգության դեմ. Արաղչի
Հրշեջ-փրկարարներն Ալավերդիում մեծ դժվարությամբ Դեբեդ գետից դուրս են բերել կնոջ մարմին
Ծանրամարտի ԵԱ-ի մրցումային առաջին օրը Հայաստանն ունի երեք մասնակից
36 ժամ ջրանջատումներ Երևանում և մարզերում
Բրիտանիայում վագրի հարձակման հետևանքով մարդ է մահացել
Արտակարգ դեպք է տեղի ունեցել «Մուլտի Ուելնեսում», շտապօգնություն է ժամանել. MakaryanNews
Էմմա Պալյանը պաշտոն է ստացել
Ալեքսանդրա Գրիգորյանը՝ ծանրամարտի Եվրոպայի երիտասարդական չեմպիոն
Մեսրոպ Մանուկյանի ձեռքից պատգամավորի մանդատը կվերցնեն․ «Ժողովուրդ»
30 տարի ծառայել եմ բանակում և երբեք նման խայտառակ իրավիճակ չեմ տեսել. Միհրան Մախսուդյան
Այսօր մահացած զինծառայողը 3 ամսից պետք է զորացրվեր. մանրամասներ․ News.am