Հայ-իրանական սահմանին շուտով ազգային պարկ կստեղծվի. ԻԻՀ փոխնախագահ. «Sputnik Արմենիա»

Հայաստանն ու Իրանն ավարտում են երկու երկրների սահմանամերձ հատվածներում ազգային պարկի ստեղծման շուրջ բանակցությունները:
Այս մասին «Sputnik Արմենիա»-ին ասել է Իրանի փոխնախագահ, շրջակա միջավայրի դեպարտամենտի ղեկավար Շինա Անսարին Երևանում ՄԱԿ-ի կենսաբազմազանության COP17 համաժողովի շրջանակում։
Անսարին նշել է, որ համաձայնագրի ստորագրումը սպասվում է մոտ ժամանակներս։
Նրա խոսքով՝ բնության հատուկ պահպանվող տարածքը կկոչվի «Խաղաղության և բարեկամության այգի»: Այս նախագիծն ընդգրկված է ՀՀ վարչապետ Նիկոլ Փաշինյանի և ԻԻՀ նախագահ Մասուդ Փեզեշքիանի բանակցությունների օրակարգում:
«Այգու տարածքում կձևավորվեն արահետներ երկու երկրների սահմանով վայրի կենդանիների միգրացիայի համար։ Այդպիսով, այգին կունենա և՛ խորհրդանշական, և՛ գործնական նշանակություն», - պարզաբանել է իրանցի պաշտոնյան։
Անսարիի խոսքով, ընդհանուր առմամբ վերջին 10 տարիների ընթացքում Հայաստանն ու Իրանը արդյունավետ համագործակցություն են հաստատել շրջակա միջավայրի պահպանության ոլորտում։
Ի թիվս այլ նախագծերի նա նշեց նաև սահմանային Արաքս գետի, նրա վիճակի և ջրի մաքրության կանոնավոր մոնիտորինգը:

Այս թեմայով Հայ-թուրքական սահմանը կարող է բացվել ավելի շուտ, քան նոր բանագնաց կնշանակվի․ Միրզոյան Մենք կարող ենք հեշտությամբ վաղն առավոտյան լրահոսում գտնել մի վերնագիր հայ-թուրքական սահմանի բացման մասին. Միրզոյան Թուրքիան ևս 5 տարի կշարունակի ներկրել իրանական գազ Ամեն ինչի մասին լայվ անող իշխանությունն այդպես էլ չասաց, թե որ ուղղությամբ էր տեղի ունեցել ադրբեջանցի զինծառայողի ապoրինի անցումը. Տիգրան Աբրահամյան Տեղեկությունները, որ պետական սահմանը հատել են մեկից ավելի անձինք, դիվերսանտներ, չեն համապատասխանում իրականությանը․ ԱԱԾ