ԵԱՏՄ երկրները կարող են Միությանը Հայաստանի անդամակցությունը կասեցնելու մասին որոշում ընդունել

Բելառուսի, Ղազախստանի, Ղրղզստանի և Ռուսաստանի ներկայացուցիչները զեկույց են պատրաստել Հայաստանի նկատմամբ «Եվրասիական տնտեսական միության մասին» պայմանագրի կիրառումը կասեցնելու հնարավոր հետևանքների վերաբերյալ։

Զեկույցը կազմվել է չորս երկրների նախագահների՝ 2026 թվականի մայիսի 29-ի համատեղ հայտարարության կատարման շրջանակում։

Փաստաթղթում ներկայացված են Հայաստանի՝ Եվրոպական միությանն անդամակցելուն ուղղված քայլերը, ԵԱՏՄ-ի և ԵՄ-ի իրավական ռեժիմների համատեղելիության վերլուծությունը, ինչպես նաև Հայաստանի՝ երկու միություններին անդամակցելու հետ կապված պարտավորությունների համեմատությունը։

Զեկույցում անդրադարձ է կատարվում նաև ԵՄ-ին անդամակցելու Հայաստանի որոշումից բխող ռիսկերը մեղմելու իրավական մեխանիզմներին և Հայաստանի նկատմամբ ԵԱՏՄ պայմանագրի կիրառումը կասեցնելու հնարավոր հետևանքներին։

Հոկտեմբերի 20-ին չորս երկրների կառավարությունների ղեկավարների ստորագրած դիմումը՝ կից զեկույցով, ներկայացվել է Եվրասիական տնտեսական հանձնաժողով։ Փաստաթուղթը պետք է փոխանցվի Եվրասիական բարձրագույն տնտեսական խորհրդի անդամներին, այդ թվում՝ Հայաստանի վարչապետ Նիկոլ Փաշինյանին։

Այս թեմայով ԵԱՏՄ-ից դուրս գալուց հետո ՀՀ գազի ներմուծման արժեքը կաճի 69%-ով՝ հասնելով տարեկան 657,5 մլն դոլարի Հայ Առաքելական Եկեղեցու վերաբերյալ կառավարության ներկայացրած զեկույցը որևէ լուրջ հիմնավորում չունի․ Ռոբերտ Ամստերդամ (տեսանյութ) Ներքին կառավարման և կանոնական կյանքի հարցերը ԱԺ իրավասության մեջ չեն և խորհրդարանական վերահսկողության առարկա չեն կարող լինել. Մայր Աթոռ «Հրապարակ»․ Երեւանյան գիտաժողովում նաեւ ադրբեջանցի Գյունել Ալասգարովայի զեկույցն է ներկայացվել Սահմանափակումները էականորեն դժվարացնում են ԵԱՏՄ ընդհանուր շուկայի լիարժեք գործունեությունը. Փաշինյան