Կարծում եմ՝ կարելի է «3+3» ձևաչափի առաջիկա հանդիպումն անցկացնել Բաքվում, իսկ հաջորդը՝ Երևանում. Լավրով

Կարծում եմ, որ կարելի է Ադրբեջանի և Թուրքիայի կողմից նախաձեռնված «3+3» ձևաչափի առաջիկա հանդիպումն անցկացնել Ադրբեջանում, իսկ այնուհետև հաջորդը՝ Երևանում: Այս մասին ասել է ՌԴ ԱԳ նախարար Սերգեյ Լավրովը:

«Կուզեի կհիշատակեի ևս մեկ նախագիծ, ոչ թե նախագիծ, ավելի ճիշտ, այլ ձևաչափ, որը նախաձեռնվել է Ադրբեջանի և Թուրքիայի կողմից. դա 3+3 ձևաչափն է: Մենք հավաքվել ենք մի քանի անգամ և հիմա սպասում ենք, թե երբ կպայմանավորվեն Հայաստանն ու Ադրբեջանը այն մասին, թե ով է հաջորդը ընդունելու Հարավկովկասյան երեք երկրների՝ Ադրբեջանի, Վրաստանի, Հայաստանի և նրանց երեք մեծ հարևանների՝ Ռուսաստանի, Թուրքիայի և Իրանի արտաքին գործերի նախարարների հանդիպումը:

Ես կարծում եմ, որ կարելի է առաջիկա հանդիպումն անցկացնել Ադրբեջանում, իսկ այնուհետև հաջորդը՝ Երևանում: Դա ճիշտ կլիներ: Բայց ես ինչու եմ հիշատակում այս ձևաչափի մասին, այն իրականում համապարփակ է, այն նվիրված չէ ինչ-որ մեկ նախագծի, որը ծրագրվում է իրականացնել արտատարածաշրջանային համատեքստում: Ուստի «3 + 3» ձևաչափը, ևս մեկ անգամ ընդգծեմ, որն առաջարկվել է Ադրբեջանի և Թուրքիայի կողմից, մենք ակտիվորեն աջակցում ենք»,- ասել է Լավրովը:

Այս թեմայով Ռուսաստանն առաջարկ չի ստացել մասնակցելու «Թրամփի ուղի» նախագծին. Լավրով Պուտինը հաջորդ ամիս կայցելի Չինաստան՝ մասնակցելու ԱՏՀԳ գագաթնաժողովին. Լավրով Լավրովը ժամանեց Բաքու Զելենսկին հրադադար չի վաստակել, ՌԴ-ն չի խաբվի նրա հայտարարություններով. Լավրով