Վրաստանում պահանջել են ստուգել պատրիարք Իլիա II-ի հուղարկավորության ծախսերը

Վրաստանում կոչ են արել հետաքննել Համայն Վրաստանի կաթողիկոս-պատրիարք Իլիա II-ի հուղարկավորության կազմակերպման համար պետական բյուջեից հատկացված միջոցների ծախսերը՝ հնարավոր չարաշահումների և կոռուպցիոն գործարքների վերաբերյալ կասկածների ֆոնին։ Այս մասին Pastinfo.am-ի փոխանցմամբ հոկտեմբերի 15-ին հայտնոել է Georgia Today պարբերականը։

Աղբյուրի հաղորդմամբ, ուշադրության կենտրոնում է հայտնվել Վրաստանի մշակույթի նախկին նախարար Թինաթին (Թիկա) Ռուխաձեն, որի ղեկավարած գերատեսչությանը հուղարկավորության կազմակերպման համար նախապես հատկացվել էր 3 միլիոն լարի։

«Վրաստանի մշակույթի պալատ» կազմակերպության ղեկավար Դավիթ Օքիտաշվիլին դիմել է երկրի Գլխավոր դատախազությանը և Պետական աուդիտի ծառայությանը՝ պահանջելով ուսումնասիրել ծախսերը և հրապարակել պետական միջոցների օգտագործման վերաբերյալ ամբողջական տեղեկությունները։

Օքիտաշվիլին պահանջել է պարզաբանել, թե որքան գումար է փաստացի ծախսվել, ում են փոխանցվել միջոցները, ինչպես են իրականացվել գնումները և արդյոք հատկացված գումարներն օգտագործվել են նպատակային։
«Հասարակությունն իրավունք ունի իմանալու, թե ինչպես և ինչ որոշումների հիման վրա են ծախսվել պետական միջոցները»,– նշել է նա։

Մանրամասն' սկզնբաղբյուր կայքում։

Այս թեմայով Ձեզ հոգեկան և մարմնական ամուր ուժեր․ Համայն Ռուսիո պատրիարք Կիրիլի ուղերձը՝ Եզրաս Սրբազանի եպիսկոպոսական ձեռնադրության 25-ամյակի առթիվ