Զելենսկին հրադադար չի վաստակել, ՌԴ-ն չի խաբվի նրա հայտարարություններով. Լավրով

Վլադիմիր Զելենսկին հրադադար չի վաստակել, ՌԴ-ն չի խաբվի նրա հայտարարություններով: Այս մասին հայտարարել է ՌԴ ԱԳՆ ղեկավար Սերգեյ Լավրովը Լիբանանի արտաքին գործերի և սփյուռքի հարցերով նախարար Յուսեֆ Ռաջիի հետ բանակցությունների արդյունքներով կայացած մամուլի ասուլիսի ժամանակ, հաղորդում է ՏԱՍՍ-ը:

«Ես չեմ կարծում, որ նա հրադադար է վաստակել: Չեմ կարծում, որ մենք հերթական անգամ կխաբվենք հայտարարություններով և հավաստիացնող խոստումներով: Նախագահը դրա մասին շատ հստակ ասել է: Մենք շարունակում ենք հասնել հատուկ ռազմական գործողության նպատակներին: Դրանք հայտնի են բոլորին: Մենք դրանք երբեք չենք փոխել՝ ի տարբերություն Զելենսկու և նրա եվրոպական տերերի շրջադարձերի ու խուսանավումների: Ուստի մենք ոչ մեկի առջև արդարանալու պատճառ չունենք», - նշել է Լավրովը:

Հիշեցնենք, որ ավելի վաղ Զելենսկին հայտարարել էր, որ եթե ​​ՌԴ նախագահ Վլադիմիր Պուտինը համաձայնի 60-օրյա զինադադարի, Ուկրաինան ընտրություններ կանցկացնի:

Այս թեմայով Պուտինը պատրաստ է հրահանգել ընտրությունների օրը չհարվածել Ուկրաինային. Պեսկով ՌԴ-ն ոչ թե զինшդադար է ցանկանում, այլ երկարատև խաղաղություն. Պեսկով Ինչո՞ւ Ամերիկան Ուկրաինայի հետ դիզելային վառելիքի վերաբերյալ համաձայնագիր չի կնքում. Զելենսկի Թրամփի «էներգետիկ հրադադարից» հետո Ռուսաստանը հարվածել է Ուկրաինայում գտնվող ջերմաէլեկտրակայանին և այլ օբյեկտների. կան զոհեր Ուկրաինան ընտրություններ կանցկացնի, եթե Պուտինը համաձայնի 60-օրյա հրադադարի․ Զելենսկի