Փաշինյանն ու Ալիևը հայտնվել են Թուրքմենստանում ազգային ուտեստների փառատոնում

Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը մասնակցել են ԱՊՀ երկրների ազգային ուտեստների փառատոնին և մշակութային ծրագրին, որոնք անցկացվում են Թուրքմենստանի «Ավազա» զբոսաշրջային գոտում: Այս մասին տեղեկացնում է News.am-ը։

Թուրքմենստանի մշակույթի նախարարության տվյալներով՝ փառատոնն անցկացվում է հոկտեմբերի 7–8-ին՝ ԱՊՀ պետությունների ղեկավարների խորհրդի նիստի նախօրեին, որը նախատեսված է հոկտեմբերի 9-ին՝ Թուրքմենստանի նախագահ Սերդար Բերդիմուհամեդովի նախագահությամբ։

Փառատոնի մասնակիցները ներկայացնում են ազգային խոհանոցը, ավանդական արհեստները, հագուստը, ասեղնագործությունը և երաժշտական գործիքները։ Մշակութային ծրագիրը ներառում է նաև ԱՊՀ երկրների արտիստների ելույթներ։

Միջոցառումներին մասնակցում են Համագործակցության անդամ պետությունների պատվիրակությունները։ Մասնավորապես, Տաջիկստանը ներկայացրել է ազգային ուտեստներ և ժողովրդական վարպետների արտադրանք, իսկ նրա արտիստները հանդես են եկել երգերով ու պարերով։

ԱՊՀ պետությունների ղեկավարների խորհրդի հոկտեմբերի 9-ի նիստին ակնկալվում է Ադրբեջանի, Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի և Ուզբեկստանի առաջնորդների մասնակցությունը։

Այս թեմայով Ինչ էլ խոսեք, պատմության մեջ մնալու եք որպես Արցախ հանձնած ու Ադրբեջանի նարատիվների աջակիցներ․ Շարմազանովը՝ իշխանությանը Ադրբեջանցի զինվորն էլ է հանցագործ, Ռոբերտ Քոչարյանն էլ, Գագիկ Ծառուկյանն էլ, Սամվել Կարապետյանն էլ, Գագիկ Խաչատրյանն էլ. Փաշինյան Այսօր էլ է պատերшզմի օր, այսօր էլ ենք նահատшկներ տվել, ի՞նչ անենք, փակենք բոլոր հարսանյաց սրահները, ռեստորանները, բարերը. Փաշինյան Անհետ կորած անձանց հարցով պատրաստ ենք համագործակցության, բայց Ադրբեջանում հարցն օգտագործում են քաղաքական նպատակներով․ Փաշինյան Փաշինյանի՝ Ռուսաստան սպասվող այցի հստակ ամսաթվեր առայժմ չկան. Պեսկով