«Սիներգիա» համալսարանը Հայաստանում բարձրագույն կրթություն է առաջարկում․ իսկ ի՞նչ է կատարվում նրա հետ Ռուսաստանում
Հայաստանում վերջին շրջանում ակտիվորեն գովազդվում է ռուսական «Սիներգիա» (Синергия) առցանց համալսարանը։ Քաղաքացիներին առաջարկվում է ստանալ առաջին կամ երկրորդ բարձրագույն կրթություն հեռավար ուսուցման միջոցով։ Գովազդային առաջարկները ներկայացվում են որպես կրթություն ստանալու ժամանակակից և հարմար հնարավորություն։ Սակայն հավանական է, որ այս առաջարկներով հետաքրքրվող հայաստանցիներից շատերը տեղյակ չեն, թե ինչ սկանդալների կենտրոնում է հայտնվել նույն համալսարանը Ռուսաստանում։
2026 թվականի նոյեմբերի 13-ին ռուսական լրատվամիջոցները հաղորդեցին, որ Մոսկվայում խուզարկություններ են իրականացվել «Սիներգիա» համալսարանում, իսկ բուհի տարածաշրջանային զարգացման պրոռեկտոր Միխայիլ Եռոֆեևը ձերբակալվել է առանձնապես խոշոր չափերով խարդախության վերաբերյալ քրեական գործի շրջանակում։
Ըստ ռուսական լրատվամիջոցների քննությունը վերաբերում է «Սիներգիա» համալսարանի և «Ռոսմոլոդյոժի» միջև 2023 և 2024 թվականներին կնքված պետական երկու պայմանագրերին։ Դրանց ընդհանուր արժեքը կազմել է 40,5 միլիոն ռուբլի։ Հետաքննության վարկածով պայմանագրերի կատարման ընթացքում հնարավոր է եղել պետական միջոցների յուրացում։ Եռոֆեևի նկատմամբ դատարանը խափանման միջոց է ընտրել տնային կալանքը։
Գործով ձերբակալվել է նաև «Ռոսմոլոդյոժի» ղեկավարի տեղակալ Դենիս Աշիրովը, որը նույնպես ուղարկվել է տնային կալանքի։
Հայ լսարանի համար այս ամենից հետո մնում է պարզաբանել։ Երբ Հայաստանում որևէ կրթական հաստատություն առաջարկում է ստանալ առաջին կամ երկրորդ բարձրագույն կրթություն, քաղաքացին իրավունք ունի իմանալու ոչ միայն ուսման վարձի, դիպլոմի և կրթական ծրագրի մասին, այլև այն հաստատության հեղինակության, գործունեության և իրավական խնդիրների մասին, որի հետ պատրաստվում է կապել իր կրթական ապագան։
Հատկապես երբ խոսքը հեռավար կրթության մասին է, և ուսանողը փաստացի վստահում է օտարերկրյա հաստատությանն ու նրա տրամադրած դիպլոմին։
Արմինե Մելքոնյան


















































Որ թիմերը կարող են դառնալ Հայաստանի հավաքականի մրցակիցները. հայտնի են Եվրո-2028-ի ընտրական փուլի բոլ...
ՌԴ-ում ինքնաթիռ է կործանվել. կան զոհեր
Ինչպե՞ս սնվել ձմռանը՝ պահպանելով վիտամինային հավասարակշռությունն ու իմունիտետը. Խորհուրդ է տալիս սնն...
Միգրանտների համար մեղմացումներ է առաջարկել Դմիտրի Մեդվեդևը
Դենիս Ջորկաեֆը՝ «Անգլիական թագուհի»․ ո՞վքեր են կանգնած նրա թիկունքում
Վանաձորում բեռնատարը 15-ից ավելի մեքենաներ է ջարդել, բախվել ծառերին. 5 վիրավորներից 2-ն անչափահաս են
Պայմանագրային զինծառայող է մահացել
Ինձ համար խաղաղության տեսլական չկա։ Ինձ համար կա ազգային արժանապատվության և ազգային պետականության հա...
30 տարի գործեց, 50 տարի լռեց, 2002-ից վերականգնեցինք․ ինչպես Մոսկվայում կազմավորվեց հայկական թատրոնը...
Սև ծովում Ադրբեջանի և Թուրքիայի քաղաքացիներով նավ է խորտակվել