Բուլդոզերով ժողովրդավարություն․ «Ինձ չհեռացրիք՝ ես եմ ձեզ հեռացնելու». Փաշինյան․ «Ժողովուրդ»
«Ժողովուրդ» օրաթերթը գրում է. «Նիկոլ Փաշինյանը երեկ գերազանցեց ինքն իրեն։ Խորհրդարանական ընդդիմությանը ներկայացնելով որպես խաղաղության խոչընդոտ՝ վարչապետը երկու ճանապարհ առաջարկեց, որոնք, իր իսկ խոսքով, կարող են մեկը մյուսի շարունակությունը լինել։
«Կա՛մ մենք հանրային ճնշում ենք գեներացնում, և ընդդիմությունը հրաժարվում է խաղաղության խոչընդոտի դերակատարումից»,– ասաց Փաշինյանը։ Երկրորդ ճանապարհը, ըստ նրա, քաղաքական գործընթացներն այնպես տանելն է, որ ընդդիմության այդ հատվածն այլևս խորհրդարանում չլինի։ «Մնացածն արդեն տեխնիկայի հարց է»,– հավելեց վարչապետը։
«Ուժեղ Հայաստան» խմբակցության ղեկավար Նարեկ Կարապետյանի հետ բանավեճում Փաշինյանն արդեն խոսեց «բուլդոզերի» մասին։ Նա ընդդիմությանն առաջարկեց գնալ հանրաքվեի՝ խոստանալով հեռանալ, եթե նոր Սահմանադրությունը մերժվի, կհեռանա։ «Այստեղներսա հասել իշխանությունը, եթե ժողովուրդը ուզի, ռադներս կքաշենք, կգնանք»։ Իսկ եթե այն ընդունվի, ասաց, որ կհեռանա խաղաղության համաձայնագիրը ստորագրելուց, ԹՐԻՓՓ-ը բացելուց և սահմանի բարդ հատվածները սահմանազատելուց հետո։ Իսկ եթե ընդդիմությունը չընդունի առաջարկը, Փաշինյանը խոսեց «բուլդոզերը» միացնելու և արտահերթ ընտրությունների գնալու մասին՝ հայտարարելով, որ գործող ընդդիմությունից որևէ մեկը չպետք է ընտրվի։
Նույն ամբիոնից ընդդիմության հասցեին հնչեցին նաև վիրավորանքներ։ «Հեսա փողերը ձեռներիցդ կառնենք, կդառնաք քաղաքական բոմժ»,– ասաց Փաշինյանը։ Իսկ «Հայաստան» խմբակցության պատգամավոր Գեղամ Մանուկյանի հետ Արցախի դրոշների ու պատերազմի զոհերի մասին բանավեճում հնչեց նրա «Բա զոհվեիք» պատասխանը։ Նույն նիստում ԱԺ նախագահ Ռուբեն Ռուբինյանը տեղից արձագանքելու համար «Ուժեղ Հայաստան» խմբակցության պատգամավոր Էդգար Ղազարյանին կոպիտ ձևով դուրս հրավիրեց դահլիճից՝ «Արագ դուրս եկար ստեղից, դավայ»։
Այս ամենը տեղի ունեցավ հենց Ազգային ժողովում, որտեղ նույն օրը Փաշինյանը խոստացավ նոր Սահմանադրությամբ անշրջելի դարձնել ժողովրդի իշխանությունը։
Համաձայնեք՝ ժողովրդավարությունը բուլդոզերով պահպանելն արդեն քաղաքական ֆանտաստիկայի ժանրից է։ Իսկ ընդդիմությանն ուղղված վերջնագիրը՝ քաղաքական շանտաժ։ Այսինքն՝ ոչ թե ժողովուրդն է ընտրում, այլ Փաշինյանն է գծում ապագա ԱԺ կազմը»։
Մանրամասները՝ «Ժողովուրդ» օրաթերթի այսօրվա համարում։


















































«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Որ թիմերը կարող են դառնալ Հայաստանի հավաքականի մրցակիցները. հայտնի են Եվրո-2028-ի ընտրական փուլի բոլ...
Որո՞նք են այն հիմնական նախանշանները, որոնց դեպքում մարդը պետք է դիմի բժշկի
Այսօր խոշոր ավտովթար է տեղի ունեցել Գեղարքունիքի մարզում
ՌԴ-ում ինքնաթիռ է կործանվել. կան զոհեր
Փոխոստիկանապետն ասաց՝ եթե ուզում ես ընտանիքդ ապահով լինի, պիտի ասես, որ դու ես արել. Վալոդյա Գրիգորյ...
Ինչպե՞ս սնվել ձմռանը՝ պահպանելով վիտամինային հավասարակշռությունն ու իմունիտետը. Խորհուրդ է տալիս սնն...
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը