Starship-ը իր 15-րդ թռիչքն իրականացրեց Տեխասի Սթարբեյս քաղաքից

Պատմության մեջ առաջին անգամ SpaceX-ը օգտագործել է ռոբոտացված «ձեռքերը»՝ իր Starship տիեզերանավը թռիչքից հետո մեկնարկային հարթակում բռնելու համար։ 
Այս մասին տեղեկանում ենք spacex.com-ից։

Ուրբաթ՝ նոյեմբերի 13-ին, Starship-ը իր 15-րդ թռիչքն իրականացրեց Տեխասի Սթարբեյս քաղաքից։ Իսկ շաբաթ՝ նոյեմբերի 14-ին, Starship-ը վերադարձավ Տեխասի Սթարբեյս քաղաք և փոխեց ամեն ինչ։
Նշենք, որ ընկերությունը ուղիղ եթերով հեռարձակել է վայրէջքը։
 
Հավելենք, որ սա Starship-ի 15-րդ փորձնական թռիչքն էր, որը նախատեսված էր Լուսին և Մարս թռիչքների համար։ Այն Երկրի շուրջ կատարել է 14 պտույտ և ուղեծիր դուրս բերեց 26 Starlink արբանյակ։
 
Մոտավորապես 22 ու կես ժամ տևած՝ իր ամենաերկար թռիչքից հետո, տիեզերանավը վերադարձել է Տեխասի Starbase մեկնարկային կայան։

Հիշեցնենք, որ Starship-ը նախկինում ևս վերադարձել էր տիեզերքից, սակայն վայրէջք էր կատարել օվկիանոսի ջրերում։

Նշենք, որ այս արձակման շրջանակում SpaceX-ը նախատեսում էր նաև մեխանիկական «ձեռքերով» որսալ Super Heavy հրթիռային արագացուցիչը, սակայն ավտոմատ համակարգը չեղարկել է դրա վերադարձը մեկնարկային հարթակ։ Արդյունքում արագացուցիչն ուղղվել է Մեքսիկական ծոց, որտեղ պայթել է ջրի մակերևույթի մոտ։