«Գրքեր մեղրի մեջ»․ բացառիկ նախագծի շնորհանդեսը Մատենադարանում

Մատենադարանում տեղի է ունեցել «Գրքեր մեղրի մեջ» նախագծի շնորհանդեսը, որի շրջանակում «ՍԼՈՎՈ/SLOVO» հրատարակչությունը Մատենադարանին է նվիրաբերել «Աշխարհի մեծագույն թանգարաններ» մատենաշարի «Մատենադարան» գրքի մեկ օրինակ՝ զետեղված ակացիայի մեղրի մեջ։ Այս մասին տեղեկացնում եմ Մ. Մաշտոցի անվան ձեռագրերի գիտահետազոտական ինստիտուտից։

Նշենք, որ իր ծավալով և ընդգրկմամբ բացառիկ այս հրատարակությունը, ամփոփելով հայկական ձեռագրական ժառանգության հարուստ գանձերը, սույն նախագծի շնորհիվ ստացել է պահպանման խորհրդանշական նոր ձևաչափ։

Աղբյուրի փոխանցմամբ, միջոցառմանը ելույթներով հանդես են եկել Մատենադարանի տնօրենի գիտական գծով տեղակալ Վահե Թորոսյանը, «ՍԼՈՎՈ» հրատարակչության հիմնադիր Գրիգորի Երիցյանը, հրատարակչության համահիմնադիր և գլխավոր խմբագիր Նատալյա Ավետիսյանը, Մատենադարանից նախագծի ղեկավար Էդդա Վարդանյանը և լրագրող, հոդվածագիր Մարկ Գրիգորյանը։

Նշենք, որ Նախագծի գաղափարի համաձայն՝ գիրքը մեղրի մեջ կպահպանվի մինչև 4052 թվականը՝ խորհրդանշելով գրավոր ժառանգության պահպանման, սերունդների միջև մշակութային կապի և գիտելիքի փոխանցման կարևորությունը։

Այս թեմայով Մեկնարկում է Մեծի Տանն Կիլիկիո Կաթողիկոսության ձեռագրական հավաքածուների վերականգնման առաքելությունը Մատենադարանում կանցկացվի «Հմայությունն ու ձեռագրերը» հմայիլներին և հմայագործության ավանդույթներին նվիրված 18-րդ միջազգային գիտաժողովը Լույս է տեսել Մխիթար Հերացու «Ջերմանց Մխիթարութիւն» երկի քննարական բնագիրը և այդի հայերեն թարգմանությունը