Մատենադարանում կանցկացվի «Հմայությունն ու ձեռագրերը» հմայիլներին և հմայագործության ավանդույթներին նվիրված 18-րդ միջազգային գիտաժողովը

Հոկտեմբերի 14–17-ը Մատենադարանում կանցկացվի «Հմայությունն ու ձեռագրերը» հմայիլներին և հմայագործության ավանդույթներին նվիրված 18-րդ միջազգային գիտաժողովը, որը կազմակերպվում է Մեսրոպ Մաշտոցի անվան Մատենադարանի և Ժողովրդական պատումների հետազոտության միջազգային կազմակերպության (ISFNR) «Հմայիլներ, հմայագործներ և հմայագործություն» (Charms, Charmers and Charming) հանձնաժողովի համագործակցությամբ։

Գիտաժողովը համախմբում է ձեռագիր և տպագիր հմայիլների, ժողովրդական հավատալիքների ու հմայագործության ավանդույթների ուսումնասիրությամբ զբաղվող շուրջ 30 մասնագետների 12 երկրից:

Գիտական քննարկումների առանցքում կլինեն ժապավինաձև հմայիլները, աղոթքները և դրանց կիրառման եղանակները՝ առանց աշխարհագրական կամ ժամանակագրական սահմանափակումների։

Սիրով հրավիրում ենք ներկա լինելու գիտաժողովի պաշտոնական բացման արարողությանը, որը տեղի կունենա հոկտենբերի 14-ին՝ ժամը 10.00-ին, Մատենադարանի թանգարանի կրթամշակութային սրահում, ինչպես նաև նույն օրը՝ ժամը 17:30-ին կայանալիք «Եվ մի տանի զմեզ... Պաշտպանության խորհրդավոր գրերը» խորագրով ցուցադրության բացման արարողությանը:

Առաջին անգամ կցուցադրվի Մատենադարանում պահվող ձեռագիր ժապավինաձև հմայիլների հավաքածուն:

Այս թեմայով Լույս է տեսել Մխիթար Հերացու «Ջերմանց Մխիթարութիւն» երկի քննարական բնագիրը և այդի հայերեն թարգմանությունը