Բելառուսը պատրաստվում է պшտերազմի, որպեսզի խուսափի դրանից. Լուկաշենկո

Բելառուսը չի պատրաստվում որևէ մեկի վրա հարձակվել, սակայն պատրաստվում է պատերազմի, որպեսզի խուսափի դրանից, հայտարարել է Բելառուսի նախագահ Ալեքսանդր Լուկաշենկոն, հաղորդում է ՌԻԱ Նովոստի-ն:

«Իմ կողմից անկեղծորեն և ազնվորեն ասվել է, որ մենք պատրաստվում ենք պատերազմի, որպեսզի խուսափենք դրանից: Մենք չենք պատրաստվում որևէ մեկի վրա հարձակվել, ինչպես վերջին շրջանում զանգվածային լրատվության միջոցներում մեր արևմտյան «բարեկամները» արշավ են ծավալել, թե Ռուսաստանը Բելառուսի տարածքից և Բելառուսի հետ միասին հարձակվելու է Բալթյան երկրների, հնարավոր է՝ Լեհաստանի վրա», - ասել է Լուկաշենկոն:

Նրա խոսքով՝ ԶԼՄ-ներում վերջին շրջանում այսպես կոչված գործընկերները առանձնահատուկ ուշադրություն են դարձնում այն բանին, թե ինչ է տեղի ունենում Բելառուսի զինված ուժերում:

«Նրանց առաջին հերթին մտահոգել է այն փաստը, որ մենք չափազանց հաճախ և շատ առարկայական ու ինտենսիվորեն անցկացնում ենք ԶՈւ-ի ստորաբաժանումների ստուգումներ՝ ոչ միայն բանակի, այլև ամբողջ Զինված ուժերի», - հավելել է Բելառուսի նախագահը:

Այս թեմայով Ես 2 օրում ավարտին հասցրի Հայաստանի ու Ադրբեջանի միջև պшտերազմը․ Պուտինը չէր կարողանում հավատալ դրան․ Թրամփ Ես կարգավորել եմ ութ պшտերազմ․ մի ուրիշն էլ սպասվում է․ Թրամփ Չենք փորձելու արդարացնել. տեղի ունեցածը սխալ էր. Մովսիսյանը՝ պատերազմի տարելիցին համերգ ցուցադրելու մասին (Տեսանյութ) Հ1-ի գործադիր տնօրենի և տեղակալի նկատմամբ կիրառվել է կարգապահական տույժ՝ նկատողություն Մենք պատրաստ ենք բանակցությունների, մենք պատրաստ ենք քննարկել այս պшտերազմի ավարտը․ Մերցը՝ Պուտինին