Հ1-ի գործադիր տնօրենի և տեղակալի նկատմամբ կիրառվել է կարգապահական տույժ՝ նկատողություն

«Հայաստանի հանրային հեռուստաընկերություն» ՓԲԸ գործադիր տնօրեն Հովհաննես Մովսիսյանն ու գործադիր տնօրենի տեղակալ-ծրագրերի տնօրեն Լևոն Մարգարյանը կարգապահական տույժի են ենթարկվել։

Հանրային հեռարձակողի խորհուրդը որոշում է հրապարակել, որի համար հիմք են հանդիսացել 2026 թվականի սեպտեմբերի 27-ին՝ 44-օրյա պատերազմի մեկնարկի 6-րդ տարելիցին, «Առաջին ալիք»-ի եթերում ծրագրային քաղաքականության հետ կապված հանգամանքները։ Հանրային հեռարձակողի խորհուրդը հարցը քննարկել է սեպտեմբերի 27-ի եթերային ծրագրի ժամանակացույցի վերաբերյալ առաջացած հանրային արձագանքից հետո։

Խորհուրդը նշել է, որ ընկերության գործադիր տնօրենը պատասխանատու է ընկերության գործունեության պատշաճ կազմակերպման համար, իսկ գործադիր տնօրենի տեղակալ-ծրագրերի տնօրենն անմիջական պատասխանատվություն է կրում եթերացանցի կազմման և հեռարձակման համար։

Որոշմամբ Հովհաննես Մովսիսյանի և Լևոն Մարգարյանի նկատմամբ կիրառվել է կարգապահական տույժ՝ նկատողություն։ 

Նշենք, որ սեպտեմբերի 27-ին Հանրային հեռուստաընկերության եթերում ցուցադրվել էր Թաթա Սիմոնյանի համերգը։

Այս թեմայով Մենք պատրաստ ենք բանակցությունների, մենք պատրաստ ենք քննարկել այս պшտերազմի ավարտը․ Մերցը՝ Պուտինին 44-օրյա պատերազմի մասին ասելու նոր բան չկա․ ուզում եմ հասկանալ՝ 8 կամ 10 տարի հետո սեպտեմբերի 27-ին Հ1-ով կարելի՞ է համերգ հեռարձակել, թե՞ չէ. Փաշինյան ՀՀԽ-ն կուսումնասիրի պատերազմի տարելիցի օրը Հանրայինի եթերում Թաթա Սիմոնյանի համերգի հեռարձակման հանգամանքները Ինչի՞ վրա է ծախսվել 20 մլն դրամը․ Թաթա Սիմոնյանը ծախսերի ցուցակն է հրապարակել Հեռարձակված ժամանցային համերգը սխալ էր. Հանրային հեռուստաընկերությունը ներողություն է խնդրում