Բելառուսը կոչ է անում սահմանափակել Հայաստանի հասանելիությունը ՀԱՊԿ փաստաթղթերին

Բելառուսի ԱԳ նախարար Մաքսիմ Ռիժենկովը հայտարարել է, որ նպատակահարմար կլինի Հայաստանի համար սահմանափակել ՀԱՊԿ-ի գաղտնի բնույթի փաստաթղթերին հասանելիությունը։ Այս մասին գրում է ՌԻԱ Նովոստին։
 «Վստահ եմ, որ սահմանափակվելու է հասանելիությունը որոշ փաստաթղթերի, որոնք առհասարակ գաղտնի բնույթ են կրում»,- Բելառուս-1 հեռուստաալիքի եթերում ասել է պաշտոնյան։ 
Աղբյուրի փոխանցմամբ, Ռիժենկովը հայտարարել է՝ արդյո՞ք անհրաժեշտ է, իր բնորոշմամբ, «նման պսևդոդաշնակցին այսօր լիարժեք հասանելիություն տրամադրել բավականին գաղտնի բնույթ կրող փաստաթղթերին»։ Նա նաև նշել է, որ, ենթադրաբար, գաղտնի տեղեկատվությունը կարող է օգտագործվել ոչ ի շահ այն երկրների, որոնք իսկապես մտադիր են զարգացնել այս ինտեգրացիոն միավորումը «դրական, համերաշխ և համախմբող ոգով»։ 
Ըստ աղբյուրի, Ռիժենկովն ընդգծել է, որ ոչ թե ժողովուրդը, այլ Հայաստանի բարձրագույն ղեկավարությունն է փոխել երկրի վերաբերմունքը ինտեգրացիոն կառույցներին՝ ՀԱՊԿ-ին և ԵՏՄ-ին անդամակցելու հարցում։ Նա դա անվանել է «պասիվ մասնակցություն», որի պայմաններում Հայաստանն այդ միավորումներից վերցնում է այն, ինչն իրեն ձեռնտու է։ «Սա այդ միավորումներին մասնակցությունից բխող որոշակի գիտելիքների և առավելությունների օգտագործումն է սեփական շահադիտական նպատակներով, որոնք չեն համընկնում ինտեգրացիոն միավորումների նպատակների հետ։ Չէ՞ որ մենք ցանկանում ենք ուժեղ, համերաշխ լինել թե՛ քաղաքական, թե՛ տնտեսական, թե՛ անվտանգության հարցերում։ Ստացվում է նման իրավիճակ, երբ ասում են․ «Ձեզնից կընտրեմ այն, ինչն ինձ հետաքրքրում է՝ գազի և նավթի գները, իմ ապրանքների տեղափոխումը մինչև վերջնական սպառողը, իսկ մնացածը մեզ չի հետաքրքրում»։ Նման վերաբերմունքը չէր կարող աննկատ մնալ»,- ասել է Բելառուսի  ԱԳ նախարարը։ 
Նշենք, որ Մոսկվայում կայացած ՀԱՊԿ գագաթնաժողովի մասնակիցները որոշում են կայացրել զրկել Հայաստանին կազմակերպությունում ձայնի, ինչպես նաև կառույցի պատասխանատու պաշտոններում իր ներկայացուցիչներին նշանակելու իրավունքից։

Այս թեմայով Ղարաբաղի համար պատասխանատվությունը Երևանը փորձում է բարդել Ռուսաստանի, ՀԱՊԿ-ի վրա. ՌԴ խորհրդի նախագահ Հայաստանը շատ բան կկորցնի ՀԱՊԿ-ից դուրս գալու դեպքում. Մատվիենկո Նպատակահարմար է սահմանափակել Հայաստանի հասանելիությունը ՀԱՊԿ փակ բնույթ կրող փաստաթղթերին. Բելառուսի ԱԳ նախարար COP31-ի շրջանակներում վարչապետ Նիկոլ Փաշինյանը հանդիպել է Չեռնոգորիայի նախագահ Յակով Միլատովիչի հետ ՀԱՊԿ գագաթնաժողովի մասնակիցները զրկեցին Հայաստանին ձայնի իրավունքից