Բուհական գրաքննություն. «Հրապարակ»

«Հրապարակ» օրաթերթը գրում է.
«Նախորդ ամիս ԿԳՄՍ նախարար, Հայաստանի պետական մանկավարժական համալսարանի հոգաբարձուների խորհրդի նախագահ Ժաննա Անդրեասյանը Մանկավարժական համալսարանում կայացած գիտական խորհրդի արտահերթ նիստում ներկայացրեց համալսարանի ռեկտորի նորանշանակ ժամանակավոր պաշտոնակատար Արաքսիա Սվաջյանին` իր ընկերուհուն եւ նախկին տեղակալին, որին նոր կառավարության ձեւավորման շրջանում Նիկոլ Փաշինյանը չնշանակեց փոխնախարար։

Հիշեցնենք, որ բուհի ռեկտորի նախկին պաշտոնակատար Լիլիթ Մկրտչյանը դրանից առաջ նշանակվել էր Բարձրագույն կրթության եւ գիտության կոմիտեի նախագահի տեղակալ, սակայն կատարում է նախագահի պարտականությունները։ Մանկավարժականի մեր աղբյուրի խոսքով` նորանշանակ ռեկտոր Սվաջյանն արդեն իսկ գործի է անցել: Նա, կարելի է ասել, ընդօրինակում է ԵՊՀ ռեկտոր Հովհաննես Հովհաննիսյանին, փորձում է ահուսարսափի մեջ պահել ընդդիմադիր դասախոսներին, վախի մթնոլորտ տարածել, որ իր բուհում աշխատող ոչ մի դասախոս չհամարձակվի հակաիշխանական հայացքներ ունենալ եւ ուսանողներին ինչ-որ բան փոխանցել: Մեր աղբյուրն ասաց, որ Սվաջյանը հանձնարարել է ուսումնասիրել նաեւ դասախոսների ֆեյսբուքյան էջերը եւ իշխանության դեմ գրառումներ, մեկնաբանություններ հայտնաբերելու պարագայում տեղեկացնել իրեն»:

Այս թեմայով «Դոպինգ Սփեյսը» չի վերադարձրել ԿԳՄՍՆ-ի՝ Ջենիֆեր Լոպեսի համերգից խնայված գումարը, սակայն նրա հետ նոր պայմանագիր է կնքվել ՀՀ-ում տարկետում ստացած որոշ քաղաքացիների համար զորակոչի տարիքային շեմը կհասնի 32-ի Աշակերտուհուն հարվածած ուսուցչին մանկավարժական գործունեությամբ զբաղվելուց զրկելու իրավական գործընթաց կձեռնարկվի. ԿԳՄՍՆ Ինչու ԿԳՄՍ նախարարությունը չի ընդունել կամավոր ատեստավորման հայտերը․ «Հրապարակ»