Բյուրակնի դպրոցի տնօրենը կալանավորվել է՝ հավաքարարից ու պահակից պարբերաբար կաշառք վերցնելու պատճառով․ «Հրապարակ»

Բյուրակնի միջնակարգ դպրոցի տնօրեն Լուսինե Մելիքյանը, որը 2009 թվականից զբաղեցրել է տնօրենի պաշտոնը, կալանավորվել է։ Այս մասին գրում է «Հրապարակ»-ը։

Ըստ իրավապահների՝ նա դպրոցի հավաքարար Ալվինա Սարգսյանից և գիշերային պահակ Մելսիկ Սարգսյանից մեկ տարի շարունակ նրանց աշխատանքից չազատելու դիմաց, յուրաքանչյուր ամիս ստացել է 50.000-ական դրամ՝ ընդհանուր 650.000 ՀՀ դրամ խոշոր չափերով կաշառք։

Լուսինե Մելիքյանի պաշտպան Արամայիս Հայրապետյանը «Հրապարակ»-ի հետ զրույցում ասաց, որ այս պահին իրենք այդ գործով մեկնաբանություն չեն տալիս։ Արդյոք կալանքի որոշումը բողոքարկե՞լ են, ասաց՝ որոշումը դեռ չեն ստացել։

Այս թեմայով Կաշառք տալու և ստանալու դեպքերով ձերբակալվել է 8 անձ, այդ թվում՝ Գյումրու պետական երաժշտական քոլեջի ընդունելության հանձնաժողովի փոխնախագահը Հայտնի է «Ռուսական երկաթուղիներ» ընկերության ղեկավարի հայաստանյան այցի օրը Չենք փորձելու արդարացնել. տեղի ունեցածը սխալ էր. Մովսիսյանը՝ պատերազմի տարելիցին համերգ ցուցադրելու մասին (Տեսանյութ) Հ1-ի գործադիր տնօրենի և տեղակալի նկատմամբ կիրառվել է կարգապահական տույժ՝ նկատողություն