Կապանում ՔՊ-ն կեղծ ընդդիմադիր է փնտրում․ «Հրապարակ»

«Հրապարակ» թերթը գրում է. «Նոյեմբերի 29-ին Կապանում սպասվող համայնքի ղեկավարի ընտրությունների առաջադրումները կսկսվեն վաղը՝ հոկտեմբերի 25-ին, սակայն, մեր տեղեկություններով, «Քաղպայմանագիրը» Կապանում չի կարողանում գտնել երրորդ ուժ, որպեսզի գոնե հետընտրական կոալիցիայով իրեն ապահովագրի պարտությունից։ Գաղտնիք չէ, որ բազմաթիվ համայնքներում ՔՊ-ն մի քանի ուժ է խաղի մեջ մտցրել՝ եթե ունի մրցակից թեկնածու և նրան դեռ չի կալանավորել։ Որպեսզի ընտրություններից հետո այդ կեղծ ընդդիմադիր ուժի հետ կոալիցիա կազմեն և համայնքը չզիջեն ընդդիմությանը։

Սակայն Կապանում ստացվում է, որ իրար դեմ առճակատվելու են գործող համայնքապետ Գևորգ Փարսյանը, որը, ի դեպ, սյունյաց համայնքապետերից միակն է, որ մնաց ընդդիմադիր, չանցավ Փաշինյանի թրի տակով, և ՔՊ անփոփոխ թեկնածու Նարեկ Բաբայանը, որը նաև ԶՊՄԿ-ում կառավարության ներկայացուցիչն է։ Մեր աղբյուրներն ասում են, որ ՔՊ վերևները միտումնավոր «վիզ չեն դնում» երրորդ ուժի համար, որ Բաբայանը պարտվի։ Կապանի ՔՊ-ում գուցե ԶՊՄԿ-ի հաշվին հարստացած այս ՔՊ-ականին ավելի շատ չեն սիրում, քան ընդդիմության շրջանում»։

Նյութն ամբողջությամբ՝ թերթի այսօրվա համարում։ 

Այս թեմայով Գևորգ Փարսյանը երրորդ անգամ կմասնակցի Կապանի քաղաքապետի ընտրություններին Կեղծ օգտահաշիվներով փորձում են ՊՆ-ի էջերում արհեստական օրակարգեր ձևավորել. ՊՆ Կեղծ օգտատերերի մասնակցությամբ 3,2 մլրդի 80 գնման ընթացակարգ․ նախաձեռնվել են քրվարույթներ․ ՊՎԾ Ի պատասխան Արման Սարոյանի՝ Մայր Աթոռում պահվող 3 միջազգային փորձաքննությունները հաստատում են` Արշակ Սրբազանին վերագրվող տեսագրությունները կեղծ են Զեկույցում Արշակ Սրբազանի վերաբերյալ բացահայտ կեղծ տեղեկություն կա՝ 3 միջազգային փորձաքննությամբ հերքված․ փաստաբան