ՀՀ վարչապետ Նիկոլ Փաշինյանը մասնակցել է ՄԱԿ-ի Կենսաբազմազանության մասին կոնվենցիայի կողմերի 17-րդ (COP17) համաժողովի բացման հանդիսավոր արարողությանը

ՀՀ վարչապետ Նիկոլ Փաշինյանը մասնակցել է ՄԱԿ-ի Կենսաբազմազանության մասին կոնվենցիայի կողմերի 17-րդ (COP17) համաժողովի բացման հանդիսավոր արարողությանը, որը տեղի է ունեցել Երևանի «Մերիդիան» ցուցահանդեսների և միջոցառումների կենտրոնում:

Միջոցառմանը մասնակցել են նաև Ազգային Ժողովի նախագահ Ռուբեն Ռուբինյանը, Արտաքին գործերի և միջազգային առևտրի նախարար Արարատ Միրզոյանը, Շրջակա միջավայրի նախարար Համբարձում Մաթևոսյանը, ՄԱԿ-ի Կենսաբազմազանության մասին կոնվենցիայի գործադիր քարտուղար Աստրիդ Շոմակերը, պատվիրակներ, այլ հյուրեր: Այս մասին տեղեկանում ենք կառավարության Ֆեյսբուքյան էջից։

Աղբյուրի հաղորդմամբ, բացման արարողության շրջանակում ցուցադրվել են «Հետագիծ» գեղարվեստական ֆիլմը, բնության և մշակույթի մասին պատմող տեսաֆիլմը: Ամփոփվել է «Առաջնորդները հանուն բնության» գագաթնաժողովը:

Հաջորդիվ՝ ելույթով հանդես է եկել վարչապետ Նիկոլ Փաշինյանը: Ելույթներով հանդես են եկել նաև Արտաքին գործերի և միջազգային առևտրի նախարար Արարատ Միրզոյանը, Կենսաբազմազանության մասին կոնվենցիայի գործադիր տնօրեն Աստրիդ Շոմակերը, Կոլումբիայի Հանրապետության շրջակա միջավայրի տարածքային պլանավորման հարցերով փոխնախարար, COP16 նախագահի ներկայացուցիչ Դավիդ Օլարտե Ամայան, Շրջակա միջավայրի նախարար Համբարձում Մաթևոսյանը: 

Տեսաուղերձով հանդես է եկել ՄԱԿ-ի Շրջակա միջավայրի ծրագրի գործադիր տնօրեն Ինգեր Անդերսեն:

Այս թեմայով Մենք Թուրքիայի հետ ջրային ոլորտում համագործակցության ներուժ ունենք. Փաշինյան Վրաստանի վարչապետ Իրակլի Կոբախիձեն ժամանեց Երևան Մասնակցեցինք «Հաղորդակցության հմտություններ և հուզական ինտելեկտ» դասընթացին. Նիկոլ Փաշինյան Փաշինյանն ու Ալիևը հայտնվել են Թուրքմենստանում ազգային ուտեստների փառատոնում ՀՀ վարչապետը խուսափեց Տիգրանաշենի մասին հարցից