Պորտուգալացի ֆուտբոլիստ Քրիշտիանու Ռոնալդուն 10 միլիոն եվրոյի ներդրում է կատարել հանքային ջրերի արտադրության մեջ

Պորտուգալիայի հավաքականի ֆուտբոլիստ Քրիշտիանու Ռոնալդուն 10 միլիոն եվրոյի ներդրում է կատարել հանքային ջրերի արտադրության մեջ։ 
Այս մասին հաղորդում է «Sic Noticias» պարբերականը։ 
Աղբյուրի հաղորդմամբ, ֆուտբոլիստի գործընկերներն են դառնալու այս նոր բիզնես ուղղության մեջ՝ Grupo Outeirinho ընկերությունը, որը նույնպես 10 միլիոն եվրո է ներդրել։ Ներդրումային նախագծի ընդհանուր արժեքը կազմել է 20 միլիոն եվրո։ Հանքային ջրերի արդյունահանումը նախատեսվում է իրականացնել Բրագանսում։ Շշալցման գործարանը գտնվում է ներկայումս կառուցման փուլում եւ գտնվում է Գոշթեյում՝ Բրագանսի շրջան։ Գործարանի շինարարությունը, արտադրության մեկնարկը եւ արդեն պատրաստի արտադրանքի վաճառքը Պորտուգալիայում եւ արտասահմանում նախատեսվում է սկսել հաջորդ տարվա վերջից։ 
Պարբերականի հաղորդմամբ, բրենդի մշակմամբ զբաղվում է իտալական դիզայներական մի ընկերություն։ Նածագծի իրականացումը թույլ կտա ստեղծել մի քանի տասնյակ նոր աշխատատեղեր։ Ընկերությունը հայտարարել է նաեւ, որ վերահսկում է պորտուգալական ջրի շուկայի 45 տոկոսը։ Հավելենք, որ Ռոնալդուն հանդիսանում է նաև հանքային ջրերի Ursu9 բրենդի համասեփականատերը, որը ներկայացվել է Մադրիդում 2023 թվականին։

Այս թեմայով Քրիշտիանու Ռոնալդուն կվերադառնա հավաքական Ի՞նչ ազդեցություն կարող է ունենալ ԱԲ գործիքների ներդրումը Հայաստանի դպրոցներում. «Փաստ» Եթե նկատում եք ծորակի ջրի համի, հոտի կամ գույնի փոփոխություն, մի՛ օգտագործեք այն խմելու կամ սնունդ պատրաստելու համար․ ՀՎԿԱԿ