Ամուլսարին նվիրված հանրային քննարկում Կոնսերվատորիայի այգում

Երեկ' հոկտեմբերի 17-ին, նախապես հայտարարվածի համաձայն, Կոնսերվատորիայի այգում ընթացավ  Ամուլսարի հարցով հանրային քննարկումը։ Քննարկմանը մասնակցում են մտահոգ քաղաքացիներ, բնապահպաններ, իրավապաշտպաններ, լրագրողներ, տեղական ու միջազգային քաղհասարակության ներկայացուցիչներ, ինչպես նաև Ջերմուկի ու հարակից համայնքների բնակիչներ։ Այս մասին տեղեկացնում է cvmedia.am-ը։
Աղբյուրի փոխանցմամբ, ներկաները խորը մտահոգություն են հայտնել, որ լինելով COP17 համաժողովը հյուրընկալող երկիր, Հայաստանի իշխանությունները հանրությունից թաքուն պաշտոնապես շահագործել են Ամուլսարի հանքավայրը, որի բացման դեմ սկսած 2006-ից պայքարում է քաղհասարակությունն ու բնապահպանների համայնքը։
Ըստ բնապահպան Լևոն Գալստյանի՝ Ջերմուկի կողքը, մոտ 70 տարվա առողջարանի կողքը նոր ոսկու հանք բացելը չի կարող համեմատվել մի հանքի հետ, որը բացվել է 1950 թվականին։ 
Բժիշկ Հայկազ Հարությունյանը նշեց, որ մինչ օրեր առաջ Փաշինյանը հայտարարեց, որ  մարտահրավեր է հանքարդյունաբերությունը բնապահպանական ստանդարտին համապատասխանեցնելը, այսօր կան ռիսկեր, որ թունավոր նյութերով՝ ցիանիդով բեռնված բեռնատարներն անցնելու են բնակավայրերով  ու ցանկացած պահի  դա ռիսկային է՝ գետը լցվելու, շրջակայքը թունավորելու առումով։ 

Մանրամասն' սկզնբաղբյուր կայքում։

Այս թեմայով «Հայաստանի պատերին մեխեր ունեն թե ռուսները, թե ադրբեջանցիք, թե ամերիկացիք, բայց առաջին լեշը կախեց «տանտերը» Ամուլսարում». Նավասարդյան Թուրքիան Սաուդյան Արաբիայի, Հորդանանի և Սիրիայի հետ քննարկում է էլեկտրաէներգիայի փոխանցման միջհամակարգային խոշոր նախագիծ Ժողովրդին հարցրե՞լ ես, Նիկոլ․ ուզո՞ւմ է, որ քանդեն իր լեռները․ Զուրաբյան Ամուլսարի «սպանդը». ուրացման, էկոլոգիական հանցագործության և պետականության դեմ դավադրության մանիֆեստ. «Փաստ» Այն ընդերքը, որն այսօր մեր աչքի առաջ դարձավ ոսկի, ՀՀ-ինն է ու ՀՀ ժողովրդի սեփականությունն է․ Փաշինյան (տեսանյութ)