Այն ընդերքը, որն այսօր մեր աչքի առաջ դարձավ ոսկի, ՀՀ-ինն է ու ՀՀ ժողովրդի սեփականությունն է․ Փաշինյան (տեսանյութ)

Ամուլսարի հանքավայրում այսօր պաշտոնապես մեկնարկեցին ոսկու արդյունահանման աշխատանքները։ Բացման արարողությանը ներկա էին ՀՀ վարչապետ Նիկոլ Փաշինյանը, էկոնոմիկայի նախարար Գևորգ Պապոյանը, տարածքային կառավարման և ենթակառուցվածքների նախարար Դավիթ Խուդաթյանը և այլք։

«Այն ընդերքը, որն այսօր մեր աչքի առաջ դարձավ ոսկի, ՀՀ-ինն է ու ՀՀ ժողովրդի սեփականությունն է։ Մեզ համար մեծագույն խնդիր է եղել ի ցույց դնել, որ այդ հարստությունը ծառայելու է ՀՀ զարգացմանն ու բարեկեցությանը»,- իր խոսքում նշեց Փաշինյանը։

Նա վստահ է, որ ներդրումային ծրագրի ճակատագիրը շատ էական նշանակություն է ունենալու նոր ներդրումային ծրագրեր բերելու համար։ Փաշինյանի համոզմամբ՝ բացումն այսօր չի ուղեկցվում բողոքի ակցիաներով, որովհետև ամեն բան արվել է, որ ՀՀ քաղաքացիները սա համարեն իրենց նախագիծը։

Փաշինյանը պնդեց, թե իրենց հաջողվել է բնապահպանական ոլորտին առնչվող բոլոր հարցերի պատասխանները տալ։ Ըստ նրա՝ հիմա այլևս այդ ռիսկերը տեղ չունեն։

Հիշեցնենք` Ամուլսարի հանքավայրը չէր գործում։ 2019 թվականին «Լիդիան Արմենիա» ընկերությունը հայտարարեց, որ պարապուրդի յուրաքանչյուր օրվա համար կորցնում է 500 հազար դոլար։ 2023 թվականին հայտնի դարձավ, որ «Լիդիան Արմենիա» ընկերությունն իր բաժնետոմսերի 12,5%-ըփոխանցել է ՀՀ կառավարությանը։

ՀՀ ֆինանսների նախարար Վահե Հովհաննիսյանը հոկտեմբերի 27-ին հայտարարեց` կանխատեսում են, որ 2026 թվականին 4 տոննա ոսկի կարդյունահանեն Ամուլսարից։

Այս թեմայով Ամուլսարի «սպանդը». ուրացման, էկոլոգիական հանցագործության և պետականության դեմ դավադրության մանիֆեստ. «Փաստ» Հայաստանը 240 մլն դոլարի նոր վարկ կվերցնի․ «Հրապարակ» Ոչ ոքի՝ ոչ ոք չի ծեծել, հավասար մարտեր էի. իրենք չունենալուվ՝ ուզում են ուժ ցույց տալ. Սամվել Կարապետյանը՝ ԱԺ-ում քաշքշուկի ու լարված իրավիճակի մասին Փաշինյանը լսել է ադրբեջանական մուղամ և ծանոթացել է «Ղարաբաղի տան» ցուցադրությանը Եթե հայ զինվորը հայտնվեց Ադրբեջանում, ուրեմն Փաշինյանն ու Պապիկյանը ձեռքը բռնել, տարել, թողել են, ինչպես Արցախում՝ հարյուրավոր զինվորների. Սամվել Կարապետյան