Իրանը հայտարարել է, որ ավելի քան 30 միլիոն քաղաքացի պատրաստ է զենք վերցնել

Իրանի Ազգային անվտանգության բարձրագույն խորհրդի քարտուղար Մոհսեն Ռեզային հայտարարել է, որ ամերիկացի զինվորականները ստիպված են եղել լքել Իրաքը՝ իրանական զինված ուժերից կրած պարտությունից հետո։ Այդ մասին, Mehr-ի փոխանցմամբ, գեներալ-մայորը հայտնել է կիրակի օրը տված հարցազրույցում։ Նա ընդգծել է, որ Թեհրանը չի պատրաստվում հրաժարվել դիվանագիտությունից, սակայն նաև մտադիր չէ վերադառնալ նախկին դիվանագիտական նորմերին։

Ըստ Ռեզայիի, Միացյալ Նահանգները նվաստացուցիչ պարտություն է կրել Իրանի հետ դիմակայությունում։ «Անցյալում շատ տերություններ, որոնք հզորությամբ գերազանցում էին ԱՄՆ-ին, փորձել են նվաճել Իրանը, սակայն ի վերջո անհետացել են պատմության թատերաբեմից»,- ընդգծել է նա։

Ռեզային պնդմամբ, ավելի քան 30 միլիոն իրանցի արդեն գրանցվել է «Ջանֆադա» («Զոհաբերություն հանուն Իրանի») արշավում։ Ըստ նրա, մասնակիցները պատրաստ են զենք վերցնել ամերիկյան ագրեսիայի դեպքում։

Միևնույն ժամանակ, իրանական իշխանությունների բարձրաստիճան ներկայացուցիչը ընդգծել է, որ երկիրը չի պատրաստվում ամբողջությամբ հրաժարվել դիվանագիտական շփումներից։ Սակայն, ինչպես հայտարարել է Ռեզային, Թեհրանը չի վերադառնա դիվանագիտական հարաբերությունների նախկին մոդելին։