Մակրոնի հավանության վարկանիշը կրկին նվազել է

Ֆրանսիայի նախագահ Էմանուել Մակրոնի հավանության վարկանիշը նվազել է մինչև ռեկորդային ցածր՝ 15%, հետևում է Ipsos BVA-ի և CESI ինժեներական դպրոցի՝ La Tribune Dimanche պարբերականի համար անցկացված հարցման արդյունքներից։ 

Հոկտեմբերի 10-ին հրապարակված արդյունքների համաձայն, Մակրոնի գործունեությունը դրական գնահատող ֆրանսիացիների բաժինը մեկ ամսում նվազել է մեկ տոկոսային կետով։

Սեպտեմբերին նրա վարկանիշն արդեն հասել էր պատմական նվազագույնի՝ 16%։ Նախագահի աշխատանքը բացասաբար է գնահատում հարցվածների 82%-ը։

Նախագահի ժողովրդականության անկումը տեղի է ունենում մի շարք խնդիրների ֆոնին, որոնք դժգոհություն են առաջացնում ֆրանսիացիների շրջանում։ Դրանց թվում են դպրոցականների բողոքները, վառելիքի բարձր գները, պետական փոխառությունների արժեքի աճը և երաշտի հետևանքով գյուղատնտեսության կորուստները։

Ֆրանսիացիների գլխավոր մտահոգությունը շարունակում է մնալ գնողունակությունը․ հարցման մասնակիցների 54%-ը դա անվանել է առաջնահերթ խնդիր։ Երկրորդ տեղում սոցիալական ապահովության համակարգի ապագան է (44%), երրորդում՝ պետական պարտքն ու բյուջեի դեֆիցիտը (33%)։
Հոռետեսությունը տարածվում է նաև անձնական նյութական դրության վրա․ հարցվածների 70%-ը հայտարարել է, որ անհանգստացած է սեփական տնտեսական վիճակով։

Հավելենք, որ Ֆրանսիայում հերթական նախագահական ընտրությունները պետք է անցկացվեն 2027 թվականին։ Մակրոնը, ով իշխանության է 2017 թվականից, չի կարող առաջադրվել նախագահի երրորդ անընդմեջ ժամկետի համար։

Այս թեմայով Ժամանակն է, որ Ուկրաինան նոր նախագահ ունենա․ Թրամփ Լուկաշենկոն հույս ունի, որ Հայաստանը 2029 թվականին կստանձնի ԱՊՀ-ում նախագահի պաշտոնը Եթե ես նախագահ չլինեի, Սաուդյան Արաբիան այժմ գոյություն չէր ունենա, ինչպես և Իսրայելը. Թրամփ