Փաշինյան–Սերժ Սարգսյան քաղաքական ձեռագիրը․ հին սցենարը՝ նոր դերակատարներով
Նիկոլ Փաշինյանի վերջին հայտարարություններն ու քաղաքական վարքագիծը հերթական անգամ հիշեցնում են Սերժ Սարգսյանի իշխանության պահպանման ժամանակաշրջանը։ Եվ որքան էլ իշխանությունը փորձի իրեն ներկայացնել որպես նախկին համակարգի դեմ մարտիկներ, որոշ քաղաքական զուգահեռներ գնալով ավելի նկատելի են դառնում։
Սերժ Սարգսյանն էլ ժամանակին հայտարարում էր, որ չի պատրաստվում դառնալ վարչապետ, բայց 2018 թվականին, ինչպես հայտնի է, հայտնվեց վարչապետի աթոռին։ Այսօր Նիկոլ Փաշինյանն ասում է, որ հաջորդ ընտրություններում չի առաջադրի իր թեկնածությունը։ Սակայն արդյո՞ք հասարակությունը արդեն չի տեսել նման սցենար և կարող է այս հայտարարությունն ընդունել որպես քաղաքականությունից հեռանալու երաշխիք։
Առավել հետաքրքիր է, որ Փաշինյանի այսօրվա հայտարարությունների մեջ կարելի է նկատել ոչ միայն Սերժ Սարգսյանի հետ զուգահեռներ, այլև քաղաքական դաշտի որոշակի վերադասավորման փորձ։
Նոյեմբերի 19-ի իր ելույթում Փաշինյանը, խոսելով ընդդիմության մասին, հիմնականում առանձնացրեց «Հայաստան» դաշինքին և «Ուժեղ Հայաստան» ուժին՝ նրանցից պահանջելով պատասխաններ տալ մի շարք քաղաքական հարցերի շուրջ։ Սակայն այդ մոտեցումը կարծես ինքնին հարց առաջացրեց․ իսկ մնացած քաղաքական ուժե՞րը, արդյոք նրանք ընդդիմություն չեն։
Հատկապես, երբ հեղափոխության իր կոչը «Սերժին մերժելն» էր։
Իր ելույթը կասկածի տեղիք տվեց և դա անգամ Փաշինյանը նկատեց, և անմիջապես երկու անգամ հիշատակեց Միքայել Մինասյանին նրան նույնպես տեղավորելով ընդդիմադիր դաշտի շրջանակում։ Սա առնվազն տպավորություն է ստեղծում, որ վարչապետը փորձում էր շտկել իր իսկ ձևակերպումներով առաջացած տպավորությունը։
Այս ամենի ֆոնին մի բան մնում է անփոփոխ. Նիկոլ Փաշինյանը ոչ համակիրների և առավել ևս ոչ էլ ընդդիմության մոտ լուրջ տպավորություն չի թողում։ Դրա համար համակիրները լուռ են, հակադիր ճամբարն էլ թերհավատ։
Արմինե Մելքոնյան


















































Որ թիմերը կարող են դառնալ Հայաստանի հավաքականի մրցակիցները. հայտնի են Եվրո-2028-ի ընտրական փուլի բոլ...
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Այսօր խոշոր ավտովթար է տեղի ունեցել Գեղարքունիքի մարզում
ՌԴ-ում ինքնաթիռ է կործանվել. կան զոհեր
Ինչպե՞ս սնվել ձմռանը՝ պահպանելով վիտամինային հավասարակշռությունն ու իմունիտետը. Խորհուրդ է տալիս սնն...
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են
Պայմանագրային զինծառայող է մահացել