Ինչպե՞ս ծնունդ առավ ամենահայտնի պիցցան` «Մարգարիտա»ն
Ասում են, թե պիցցան ծնվել է Նեապոլի նեղ փողոցներում, այնտեղ, որտեղ կյանքը միշտ մի քիչ աղմկոտ է, սուրճը՝ թունդ, իսկ մարդիկ՝ կրքոտ։
Դեռևս դարեր առաջ նեապոլցի աղքատ ընտանիքները խմորի բարակ շերտ էին թխում, վրան ավելացնում այն, ինչ ունեին, լոլիկ, մի քիչ ձիթապտղի յուղ, սխտոր, երբեմն էլ պանիր։ Դա շքեղություն չէր, ոչ էլ խոհարարական մեծ հնարավորություն։ Դա պարզապես մարդկանց հնարամտությունն էր քիչ բանով համեղ ու տաք մի բան ստեղծելու։
Ի դեպ իր պատմությամբ այն շատ նման մեր հայկական Խաշին, ծնունդ է առել աղքատության մեջ և հետո դարձել հարուստների սեղանի զարդ։
Այո, երբեմն մեծ պատմությունները սկսվում են ամենապարզ բաներից։
1889 թվականին պիցցայի պատմության մեջ հայտնվեց մի անուն՝ Մարգարիտա։ Ըստ հայտնի ավանդության նեապոլցի պիցցայոլո Ռաֆայելե Էսպոզիտոն Իտալիայի թագուհի Մարգարիտայի պատվին պատրաստեց հատուկ պիցցա՝ լոլիկով, մոցարելլայով և ռեհանով։ Երեք գույն՝ կարմիր, սպիտակ և կանաչ, ինչպես Իտալիայի դրոշը։
Այդ օրվանից պիցցան կարծես դադարեց պարզապես ուտելիք լինելուց։ Այն դարձավ իտալական բնավորության մի փոքրիկ արտահայտություն՝ կրակոտ, անկեղծ, պարզ ու միաժամանակ անկրկնելի։
Հետո այն անցավ սահմաններ, հատեց օվկիանոսներ, հասավ աշխարհի տարբեր անկյուններ։ Յուրաքանչյուր երկիր, յուրաքանչյուր քաղաք, յուրաքանչյուր խոհարար իր պատմությունը ավելացրեց այդ կլոր խմորին։


















































Որ թիմերը կարող են դառնալ Հայաստանի հավաքականի մրցակիցները. հայտնի են Եվրո-2028-ի ընտրական փուլի բոլ...
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Այսօր խոշոր ավտովթար է տեղի ունեցել Գեղարքունիքի մարզում
ՌԴ-ում ինքնաթիռ է կործանվել. կան զոհեր
Ինչպե՞ս սնվել ձմռանը՝ պահպանելով վիտամինային հավասարակշռությունն ու իմունիտետը. Խորհուրդ է տալիս սնն...
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են
Պայմանագրային զինծառայող է մահացել