Երբ բարդակը հասնում է սեփական երեխային, իշխանությունը հանկարծ սկսում է տեսնել այն
Աննա Հակոբյանի օգնական Ստելլա Սարուխանյանը արդեն երկու օր ուղիղ եթերներով Պաշտպանության նախարարության հասցեին հնչեցնում է դժգոհությունները, որը հետաքրքիր իրողություն է բացահայտում։ Երբ իշխանական համակարգի ներսից մեկն է բարձրաձայնում խնդիրների մասին, հանկարծ նույն համակարգի ներկայացուցիչները սկսում են համաձայնել՝ այո՛, խնդիր կա, այո՛, բարդակ է։
Ստացվում է, նրանք շատ լավ գիտեն, թե ինչ է կատարվում իրենց ոլորտներում, տեսնում են այդ բարդակը, բայց նախընտրում են լռել։ Մինչև խնդիրը չի հասնում իրենց ընտանիքին, իրենց երեխային։
Եվ այստեղ հարց է առաջանում․ ձեր լռությամբ արդյո՞ք դուք ինքներդ չեք նպաստում այդ իրավիճակի խորացմանը։ Ինչո՞ւ է պետք, որ խնդիրը հասնի ձեր երեխային, որպեսզի հանկարծ նկատեք այն, ինչի մասին ուրիշ ծնողներ վաղուց են բարձրաձայնում։ Ստացվում է՝ քանի դեռ խնդիրը ձեր ընտանիքին չի վերաբերում, այդ բարդակը կարելի՞ է համարել նորմալ։
Պետական պաշտոնյայի լռությունը պարզապես լռություն չէ։ Երբ նա գիտի խնդրի մասին, բայց չի բարձրաձայնում, այդ լռությամբ նպաստում է նաև դրա պահպանմանը։
Բայց այս պատմության մեջ ամենաանհանգստացնողը նույնիսկ այն չէ, որ իշխանական համակարգի ներսում կան խնդիրներ։ Ամենաանհանգստացնողն այն է, որ այդ համակարգի ներկայացուցիչները, ամենայն հավանականությամբ, շատ լավ գիտեն այդ խնդիրների մասին, տեսնում են իրենց ոլորտներում տիրող բարդակը, բայց նախընտրում են լռել։
Մինչև խնդիրը չի հասնում իրենց ընտանիքին, իրենց երեխային, իրենց անձնական շահերին։
Ամենավտանգավորն այն է, երբ մարդը տեսնում է անարդարությունը, հասկանում է, որ համակարգը չի գործում, բայց լռում է, կարծելով, թե դա իրեն չի վերաբերում։
Սակայն պետական համակարգի փլուզվող օղակները չեն ընտրում, թե ում երեխաներին են հասնելու իրենց հետևանքները։
Եվ եթե իշխանության ներսում մարդիկ միայն սեփական խնդիրների բախվելուց հետո են սկսում բարձրաձայնել այն, ինչի մասին հասարակությունն արդեն վաղուց է խոսում, ապա հարցը միայն կառավարման որակը չէ։ Հարցը նաև պատասխանատվության դաշտում է։
Լռությունը չեզոքություն չէ, երբ դու գիտես խնդրի մասին, ունես այն բարձրաձայնելու հնարավորություն, բայց նախընտրում ես չխոսել։ Այդ պարագայում լռությունը հանցակից լինել է։
Արմինե Մելքոնյան


















































Որ թիմերը կարող են դառնալ Հայաստանի հավաքականի մրցակիցները. հայտնի են Եվրո-2028-ի ընտրական փուլի բոլ...
«Բայազետ հոլլ»-ում հարսանեկան արարողության մասնակիցներից երկու անչափահաս «Ինֆինիտի»-ով վթարի են ենթա...
Հ1-ի տաղավարում ծեծկռտուք է եղել․ «Հրապարակ»
Այսօր խոշոր ավտովթար է տեղի ունեցել Գեղարքունիքի մարզում
ՌԴ-ում ինքնաթիռ է կործանվել. կան զոհեր
Ինչպե՞ս սնվել ձմռանը՝ պահպանելով վիտամինային հավասարակշռությունն ու իմունիտետը. Խորհուրդ է տալիս սնն...
Վաղարշապատում 15-ամյա աղջիկների վեճը տղայի պատճառով չի եղել. փաստաբանի պարզաբանումը
Ավտոբուսը վարելիս մահացել է 22 համարի երթուղու վարորդը
Մասիս Մելքոնյանին գաղտնալսե՞լ են
Պայմանագրային զինծառայող է մահացել