21-րդ դարի քրիստոնյան չի կարող լինել առանց Աստվածաշնչի քրիստոնյա. Միքայել Սրբազան

Շիրակի թեմի սոցիալ-կրթական կենտրոնում, Շիրակի թեմի երիտասարդաց միության նախաձեռնությամբ, տեղի է ունեցել հանդիպում Շիրակի թեմի առաջնորդ Գերաշնորհ Տեր Միքայել արքեպիսկոպոս Աջապահյանի հետ՝ «Աստվածաշունչը քրիստոնյայի կյանքում» թեմայով։

Հանդիպման ընթացքում Սրբազան Հայրը երիտասարդների հետ զրուցել է Սուրբ Գրքի՝ քրիստոնյայի կյանքում ունեցած առանցքային նշանակության, Աստծո խոսքի զորության և հավատքի ճանապարհին Աստվածաշնչով առաջնորդվելու կարևորության մասին։

Անդրադառնալով Աստվածաշնչին՝ որպես Աստծո շնչով գրված, դարեր շարունակ ամենաշատ արտագրված, տպագրված և ընթերցված գրքի՝ Սրբազան Հայրն ընդգծել է, որ 21-րդ դարի քրիստոնյան չի կարող լինել առանց Աստվածաշնչի քրիստոնյա։

Սրբազան Հայրը կարևորել է Աստվածաշնչի ոչ միայն ընթերցումը, այլև նրա պատգամների ընկալումն ու կիրառումը առօրյա կյանքում՝ հիշեցնելով, որ Աստծո խոսքը ժամանակով չի սահմանափակվում և յուրաքանչյուր սերնդի համար ունի իր կենդանի ու մշտապես արդիական պատգամը։

Երիտասարդներին հնարավորություն է տրվել խորհելու Սուրբ Գրքի, քրիստոնեական արժեքների և հոգևոր կյանքի կարևորագույն հարցերի շուրջ։

Նշենք, որ Սրբազան Հոր հետ հանդիպումով տրվել է մեկնարկը Աստվածաշնչյան սերտողության առցանց հանդիպումների, որոնք տեղի կունենան առցանց տիրույթում շաբաթական մեկ անգամ:

Այս թեմայով Արշակ Սրբազանի գործով ինքնաբացարկի համար պահանջում են պատասխանատվության ենթարկել դատավոր Գևորգ Մանուկյանին Բագրատ Սրբազանն իր փաստաբանների հարսանեկան քավոր Սրբազանի գործը մտել է փակուղի․ «Հրապարակ» Ի պատասխան Արման Սարոյանի՝ Մայր Աթոռում պահվող 3 միջազգային փորձաքննությունները հաստատում են` Արշակ Սրբազանին վերագրվող տեսագրությունները կեղծ են Ձեզ հոգեկան և մարմնական ամուր ուժեր․ Համայն Ռուսիո պատրիարք Կիրիլի ուղերձը՝ Եզրաս Սրբազանի եպիսկոպոսական ձեռնադրության 25-ամյակի առթիվ