ՌԴ Իվանովոյի հայկական համայնքի համար օրը պատմական է. Եզրաս Սրբազանի ձեռամբ օծվել է քաղաքի նորակառույց հայկական եկեղեցին (լուսանկարներ)

ՌԴ Իվանովո քաղաքի հայ համայնքն աղուհացով է դիմավորել թեմակալ առաջնորդ Տեր Եզրաս արք. Ներսիսյանին։

Տեղաբնակ հայերի համար օրը տոնական է, քանի որ օծվել է քաղաքի նորակառույց հայկական եկեղեցին, որի հիմնօրհնեքի արարողությունը կատարվել է դեռևս 2017 թվականին Եզրաս Սրբազանի ձեռամբ։

Շուրջ 10 տարի Իվանովոյի հայ համայնքը համատեղ ջանքերով, հույսով և աղոթական սպասումով է կառուցել եկեղեցին։

Քաղաքի բազմազգ բնակիչների կարծիքով` հայկական տուֆակերտ աղոթատունն իր ողջ համալիրով պերճաշուք ու յուրօրինակ տեսք է տալիս հնամենի եկեղեցիներով հարուստ քաղաքին։

«Հրաշափառ» շարականի երգեցողության ներքո խորան բարձրացրեցին Սրբալույս Մյուռոնը, որով Եզրաս սրբազանն օծեց Սուրբ Սեղանը։

Նորակառույց հայկական եկեղեցին թեմակալ առաջնորդը կոչել է Սբ. Հովհաննես Մկրտչի անունով։

Եւ այսպես, 2026 թվականի հոկտեմբերի 17-ը Իվանովոյի հայկական համայնքի համար դարձավ պատմական օր։ Այսուհետ ամեն օր կհնչեն եկեղեցու զանգերը` որպես կոչ աղոթքի ու համախմբման։

Այս թեմայով Արդեն մեկ տարի է՝ Եկեղեցու վրա քարերն ավելի ու ավելի շատ են նետվում, անգամ՝ հոգևորականների կողմից, բայց քարերով չեն կործանում այն, ինչ դարերով կառուցվել է հավատքով. Տեր Մանուկ «Քասթինգ» եկեղեցու հարցով հանձնաժողովի անդամ դառնալու համար. ով է որոշում կայացրել․ «Ժողովուրդ» Հայ Առաքելական Եկեղեցու վերաբերյալ կառավարության ներկայացրած զեկույցը որևէ լուրջ հիմնավորում չունի․ Ռոբերտ Ամստերդամ (տեսանյութ) ՔՊ խմբակցությունը եկեղեցու հարցով քննիչ հանձնաժողով կստեղծի․ 62 ՔՊ-ական կողմ քվեարկեց նախագծին, 1 հոգի՝ դեմ «Հայաստան» խմբակցությունը չի մասնակցի Հայ Առաքելական Եկեղեցու հարցով հանձնաժողովի աշխատանքներին. Աննա Գրիգորյան