12-ամյա երեխան Երևանի թիվ 98 հիմնական դպրոցում պարբերաբար ենթարկվում է բուլինգի և ծեծի, ստացել է ցնցումներ, սալջարդ. փաստաբան

Փաստաբան Ինեսսա Վարդանյանը գրել է.

«Ծնողի փոխանցմամբ՝ իր 12-ամյա երեխան Երևանի թիվ 98  հիմնական դպրոցում պարբերաբար ենթարկվում է բուլինգի և ծեծի, ինչի հետևանքով ստացել է գլխուղեղի ցնցում, ձախ ուսահոդի սալջարդ, գերձգվածություն, քթի մակերեսային վնասվածք, քթի սալջարդ, մարմնի վրա ցուցափայտի հարվածի հետքեր…

Դպրոցի տնօրեն Մարիաննա Ավագյան, հանրությունն իրավունք ունի ստանալու հստակ պատասխաններ՝ ի՞նչ եք արել երեխայի անվտանգությունն ապահովելու համար՝ բացի դպրոցը փոխելու առաջարկից, ի՞նչ կոնկրետ միջոցներ եք ձեռնարկել բռնությունը կանխելու և երեխային պաշտպանելու ուղղությամբ, դիմե՞լ եք արդյոք իրավասու մարմիններին...

Դպրոցում երեխայի անվտանգության ապահովումը ձեր հայեցողության հարցը չէ, այլ օրենքով սահմանված պարտականություն, որի անտեսումը կամ ոչ պատշաճ կատարումը պետք է արժանանա իրավական խիստ գնահատականի՝ պատասխանատվության բոլոր հետևանքներով։

Ի դեպ, միջադեպերից մեկի գլխավոր հերոսը ուսուցչուհիներից մեկի թոռն է։ Դեռ այսքանը…

Հ․Գ․ Ծնողը հայտնեց նաև, որ երեխան մի քանի օր է հրաժարվում է դպրոց գնալ...իսկ դպրոցից որևէ մեկը կապ չի հաստատել»։

Այս թեմայով Դպրոցում սահմանվել է խիստ վերահսկողություն. Երեւանի քաղաքապետարանը՝ 12–ամյա երեխային պարբերաբար ծեծի ենթարկելու ահազանգի մասին. News.am 6-ամյա երեխան ինքնագլորով բախվել է մեքենային. նա հիվանդանոցում մահացել է Գեղարքունիքի մարզում 2-ամյա տղան անզգուշաբար քացախաթթու է խմել և հիվանդանոցի ճանապարհին մшհացել Գեղարքունիքում աշակերտուհու նկատմամբ բռնություն կիրառած ուսուցչուհին կձերբակալվի․ ՔԿ Գեղարքունիքում ուսուցչուհին ֆիզիկական բռնության է ենթարկել 2-րդ դասարանի աշակերտուհուն