Ադրբեջանը մեզ ասում է՝ խաղաղության պայմանագիրը չեմ ստորագրի, քանի դեռ ձեր Սահմանադրությունն այսպիսին է. Արարատ Միրզոյան

ՀՀ արտաքին գործերի և միջազգային առևտրի նախարար Արարատ Միրզոյանը հաստատում է՝ այո՛, Ադրբեջանը բարձրացնում է ՀՀ Սահմանադրությունը փոխելու հարցը։

«Ասում է՝ ես նախաստորագրել եմ խաղաղության համաձայնագիրը, բայց պատրաստ չեմ այն ստորագրել, քանի դեռ ձեր Սահմանադրությունն այսպիսին է, մենք էլ ասում ենք՝ մեր Սահմանադրության մեջ ոչ մի մտահոգիչ բան չկա»,- ԱԺ-ում «ԹՐԻՓՓ» նախագծի քննարկման ժամանակ հայտարարեց Միրզոյանը։

Նա նշեց, որ այս հարցում հայկական կողմը չի կիսում ադրբեջանական կողմի մոտեցումները։

«Ադրբեջանն էլ ասում է՝ շատ լավ, մենք էլ ձեր մոտեցումները չենք կիսում»,- նշեց ԱԳՄԱ նախարարը։

Միրզոյանը վստահեցրեց, թե Հայաստանի ու Ադրբեջանի կողմից հիմա ՀՀ Սահմանադրության մասով ոչինչ չի բանակցվում։

«Հայաստանն ասել է՝ մենք պատրաստ ենք օր առաջ որոշելու խաղաղության համաձայնագրի ստորագրման տեղն ու ժամը, այս մոտեցումը հիմա էլ է կիրառելի»,- հավելեց Արարատ Միրզոյանը։

Այս թեմայով Elbit Systems-ը Եվրոպայում 235 միլիոն դոլարի հրթիռային պայմանագիր է կնքել. Globes Ադրբեջանից Հայաստան արտահանումը գերազանցել է 23 միլիոն դոլարը, իսկ Հայաստանից Ադրբեջան՝ ընդամենը 96,500 դոլար Թուրքիայի նախագահ Ռեջեփ Թայիփ Էրդողանը շնորհավորել է Ադրբեջանին Անկախության վերականգնման օրվա առթիվ Խաղաղության համաձայնագրի վավերացումից հետո Ադրբեջանի հետ ավելի ընդարձակ անդրադարձ կլինի շրջակա միջավայրի խնդիրներին. Փաշինյան Հարևանների համար շրջակա միջավայրի խնդիրներն ընդհանուր են. Փաշինյանը՝ Ադրբեջանի և Թուրքիայի հետ գործակցության մասին