Մոլորյալներին մոլորյալներով են փոխարինում՝ բարի կամքով և կառուցողական մթնոլորտով, Շաքիի դեպքը մոլորյալների շարքին չի պատկանում. Միրզոյան

ԱԳՄԱ նախարար Արարատ Միրզոյանը չգիտի՝ ադրբեջանցի զինծառայողը, ով մտել էր Շաքիի տներից մեկը, մոլորվե՞լ է, թե՞ փախել է։

 «Ես որևէ տեղեկատվության չեմ տիրապետում»,-լրագրողների հետ զրույցում ասաց նա։

Հարցին՝ մոլորյալին գերիներով կփոխարինե՞ն, նախարարը պատասխանեց. «Մոլորյալներին մոլորյալներով  են փոխարինում՝ բարի կամքով և կառուցողական մթնոլորտով։ Քիչ առաջ տեղեկություն տեսանք նաև հովվի մոլորվելու մասին։ Ես ձեզ վստահեցնում եմ՝ լինում են նաև հայկական կողմից ճանապարհը կորցրած, մոլորված զինվորներ, հովիվներ, կենդանիներ, և դրանք պայմանավորվածություններ են և, չնայած ընդդիմության ջանքերին, մենք կշարունակենք այդ պայմանավորվածությունները։ Համենայնդեպս ես դրանք պահելու կողմնակիցն եմ»։

Իսկ ինչ վերաբերում է Շաքիի դեպքին՝ Միրզոյանը նշեց, որ դա դեռ կպարզվի՝ արդյո՞ք մոլորվել է, թե՞ միտումնավոր է սահմանը հատել. «Սակայն, անկախ հանգամանքից, տեղի է ունեցել հանցագործություն, սա լրիվ փոխում է պատկերը և ՀՀ օրենսդրության համաձայն՝ բոլոր կետերը պետք է պահենք։ Սա մոլորյալների շարքին չի պատկանում»։

Այս թեմայով ՔՊ ներկայացուցիչները, իրար հերթ չտալով, ասում են՝ ի՞նչ ենք զիջել. Շարմազանով TRIPP-ով զինամթերք չի փոխադրվի, նման ըմբռնում կա նաև Ադրբեջանի մոտ․ Միրզոյան Մեզ հայտնի չէ որևէ մեխանիզմ, որով ԵԱՏՄ անդամ իքս թվով պետություններ կարող են իգրեկին կամ իգրեկներին հանել ԵԱՏՄ-ից. Միրզոյան Ինչպես է ադրբեջանցի հովիվը հայտնվել Հայաստանում. մանրամասներ Եթե Ադրբեջանում մեր գնացքի հետ բան տեղի ունենա, դրանով պետք է զբաղվեն ադրբեջանցի մասնագետները. Արարատ Միրզոյան