Գեղարքունիքում առգրավվել է ավելի քան երեք կիլոգրամ մшրիխուшնա (տեսանյութ)

Հոկտեմբերի 1-ին Քրեական ոստիկանության Գեղարքունիքի մարզային վարչության և Ազգային անվտանգության ծառայության ծառայողները ստացել էին օպերատիվ տեղեկություն, որ Վարդենիս քաղաքի երկու բնակիչ մեկնել են Սյունքի մարզ՝ մաքսանենգ ճանապարհով ներկրված առանձնապես խոշոր չափի մարիխուանա ձեռք բերելու: Այդ մասին հայտնում են ՆԳՆ ոստիկանությունից:

Տեղեկությունն իրացվեց Գեղարքունիքի մարզի պարեկների հետ։ Հոկտեմբերի 2-ին՝ գիշերը ժամը 1-ին, Մարտունի-Գետափ ավտոճանապարհին կանգնեցվեց «Ջիպ Կոմպաս» մակնիշի մեքենան, սակայն Վարդենիսի բնակիչները մեքենայով դիմեցին փախուստի։

Գեղհովիտ գյուղում փախուստն ավարտվեց․ մաքսանենգ ճանապարհով թմրամիջոց ապօրինի ձեռք բերելու, պահելու, փոխադրելու և իրացնելու կասկածանքով նրանք ձերբակալվեցին ու տեղափոխվեցին Համայնքային ոստիկանության Մարտունու բաժին, իսկ մեքենան կնիքվեց պահպանվող հատուկ տարածքում։

49-ամյա վարդենիսցի ուղևորի խուզարկությամբ հայտնաբերվեց մարիխուանայով լցված գլանակ։

Նախաձեռնվեց քրեական վարույթ, որի շրջանակում, դատարանի որոշման հիման վրա, կատարվեցին խուզարկություններ։ 35-ամյա տղամարդու «Ջիպ Կոմպաս» մակնիշի մեքենայում հայտնաբերվեց երեք փաթեթ՝ 3 կիլոգրամ 200 գրամ մարիխուանայով, իսկ նրա տանը՝ մարիխուանայով լցված գլանակ, 356 փամփուշտ և ինքնաձիգի երեք պահեստատուփ։ 49-ամյա տղամարդու բնակության վայրում հայտնաբերվեց շուրջ 130 գրամ մարիխուանա և կանեփի երեք ցողուն։

Երկուսն էլ կալանավորվել են։ Նախաքննությունը շարունակվում է։

Այս թեմայով Գեղարքունիքում աշակերտուհու նկատմամբ բռնություն կիրառած ուսուցչուհին կձերբակալվի․ ՔԿ Աշակերտուհուն հարվածած ուսուցչին մանկավարժական գործունեությամբ զբաղվելուց զրկելու իրավական գործընթաց կձեռնարկվի. ԿԳՄՍՆ Կրթական միջավայրում երեխայի նկատմամբ բռնության ցանկացած դրսևորում պետք է բացառվի. ՄԻՊ-ն արձագանքել է միջադեպին Գեղարքունիքում 2-րդ դասարանի աշակերտուհու նկատմամբ բռնnւթյուն կիրառած ուսուցչուհու դեպքով նախաձեռնվել է քրեական վարույթ. ՔԿ Գեղարքունիքում ուսուցչուհին ֆիզիկական բռնության է ենթարկել 2-րդ դասարանի աշակերտուհուն