Թրամփը հիշել է Պուտինի ծննդյան օրվա մասին և նշել է նրա հետ սպասվող զրույցի թեման

ԱՄՆ նախագահ Դոնալդ Թրամփը հայտնել է ռուս գործընկեր Վլադիմիր Պուտինի հետ նախատեսված հեռախոսազրույցի մասին, որի ընթացքում մտադիր է քննարկել Սիբիրում հակաժանտախտային լաբորատորիայի աշխատակցուհու մահը, հայտնում է Associated Press-ը։

«Այսօր Վլադիմիր Պուտինի ծննդյան օրն է»,- ասել է Թրամփը Սպիտակ տանը լրագրողներին։ Ըստ նրա՝ ռուս առաջնորդի հետ «նախատեսված զրույց» ունի։

Թրամփը հայտարարել է, որ մտադիր է Պուտինի հետ քննարկել Իրկուտսկի հակաժանտախտային գիտահետազոտական ինստիտուտի աշխատակցուհու մահը։ Նրա մահը հարցեր է առաջացրել ժանտախտի հնարավոր տարածման վերաբերյալ, սակայն ռուսական իշխանությունները պաշտոնապես հայտնել են չպարզված ծագմամբ թոքաբորբի մասին։

Ավելի վաղ Թրամփն ասել էր, որ Ռուսաստանն իրավիճակը վերահսկողության տակ է համարում։ Երեքշաբթի նա հայտնել էր, որ ԱՄՆ-ն այս հարցի շուրջ վարում է «շատ խորքային» քննարկումներ և պատրաստ է օգնություն ցուցաբերել Ռուսաստանին։

Առողջապահության համաշխարհային կազմակերպությունը հայտարարել է, որ հիվանդության տարածման ռիսկը Ռուսաստանի սահմաններից դուրս մնում է շատ ցածր։ Միևնույն ժամանակ ԱՀԿ-ն ռուսական իշխանություններից դեպքի վերաբերյալ լրացուցիչ տեղեկություն է խնդրել։

Ռուսական իշխանությունները հայտարարել են, որ աշխատակցուհու մահվան մասին ԱՀԿ-ին տեղեկացրել են սահմանված ընթացակարգերին համապատասխան։ Ռոսպոտրեբնադզորը հայտնել է նաև, որ մահացածի հետ շփված մարդկանց շրջանում ժանտախտի դեպքեր չեն հայտնաբերվել։

Այս թեմայով Ես կարգավորել եմ ութ պшտերազմ․ մի ուրիշն էլ սպասվում է․ Թրամփ Եվրախորհրդարանում տեղադրել են Թրամփի՝ «Նարնջագույն ժանտախտ» անվամբ մերկ արձանը ՌԴ նախագահը հոկտեմբերի 8–9-ն աշխատանքային այցով կմեկնի Թուրքմենստան Ուշակովը մեկնաբանել է Պուտինի, Թրամփի և Սի Ցզինպինի միջև Չինաստանում հանդիպման գաղափարը Թուրքմենստանում Պուտին–Փաշինյան առանձին հանդիպում չի նախատեսվում. Ուշակով