CCBE-ն արձագանքել է փաստաբան Երեմ Սարգսյանի իրավունքների վերաբերյալ Փաստաբանների պալատի դիմումին

Եվրոպայի փաստաբանների և իրավաբանական միությունների խորհուրդը (CCBE) արձագանքել է փաստաբան Երեմ Սարգսյանի մասնագիտական իրավունքների ենթադրյալ խախտումների վերաբերյալ ՀՀ փաստաբանների պալատի դիմումին՝ ընդգծելով փաստաբանի անկախության, փաստաբանական գաղտնիքի և պաշտպանության իրավունքի արդյունավետ ապահովման կարևորությունը։ ՀՀ փաստաբանների պալատի հաղորդագրությունը՝ ստորև․ «ՀՀ փաստաբանների պալատը CCBE-ին դիմել էր Երեմ Սարգսյանին վարույթին մասնակցելուց ազատելու, նույն վարույթով որպես վկա հարցաքննության հրավիրելու և փաստաբանական գաղտնիք պարունակող տեղեկություններ պահանջելու կապակցությամբ։ Պալատի հաղորդմամբ՝ CCBE-ն իրավասու մարմիններին ուղղված ուղերձում նշել է, որ փաստաբանները պետք է կարողանան իրավաբանական օգնություն տրամադրել անկախ և առանց անհարկի միջամտության՝ անկախ վարույթի բնույթից, վստահորդի ինքնությունից կամ գործի առանձնահատկություններից։ CCBE-ն հատկապես ընդգծել է այս սկզբունքի նշանակությունը քրեական վարույթներում՝ նշելով, որ պաշտպանության իրավունքի արդյունավետ իրականացումն արդար դատաքննության իրավունքի կարևոր բաղադրիչ է։ Խորհուրդը նաև կոչ է արել ապահովել, որ փաստաբանները կարողանան իրենց մասնագիտական պարտականություններն իրականացնել առանց ճնշման, խոչընդոտման կամ անպատշաճ միջամտության, իսկ մասնագիտական գործունեության ընթացքում նրանց հայտնի դարձած տեղեկությունները պահպանվեն որպես փաստաբանական գաղտնիք։ CCBE-ն Հայաստանին նաև կրկին կոչ է արել առաջնահերթ ստորագրել և վավերացնել Եվրոպայի խորհրդի՝ «Փաստաբանի մասնագիտության պաշտպանության մասին» կոնվենցիան»։



© factor.am

Այս թեմայով ՖԲ գրառման համար ձերբակալել են քաղաքական ակտիվիստ Արթուր Դանիելյանին. փաստաբան Զեկույցում Արշակ Սրբազանի վերաբերյալ բացահայտ կեղծ տեղեկություն կա՝ 3 միջազգային փորձաքննությամբ հերքված․ փաստաբան