Մինչև 399.000 եվրո․ ՀՀ-ն 2025 թ․ ևս կլորիկ գումար է վճարել «Rasmussen Global»-ի խորհրդատվական ծառայությունների դիմաց․ 168․am

Եվրամիության թափանցիկության ռեգիստրի տվյալների համաձայն՝ Հայաստանի Հանրապետությունը փակված՝ 2025 ֆինանսական տարում շարունակել է մնալ միջազգային քաղաքական խորհրդատվական «Rasmussen Global» կազմակերպության հաճախորդների ցանկում։ Այս կազմակերպությունը հիմնադրվել է ՆԱՏՕ-ի նախկին գլխավոր քարտուղար և Ուկրաինայի նախագահի նախկին ոչ հաստիքային խորհրդական Անդերս Ֆոգ Ռասմուսենի կողմից։Այս մասին գրում է 168․am-ը։

Ըստ հրապարակված հաշվետվության՝ Եվրոպական հարևանության քաղաքականություն, Խաղաղության եվրոպական հիմնադրամ և ԵՄ առևտրային քաղաքականություն ծրագրերի շրջանակներում խորհրդատվության համար Հայաստանի Հանրապետությունը 2025 թվականին «Rasmussen Global»-ին վճարել է 300,000-ից մինչև 399,999 եվրո։

Ինչպես ավելի վաղ հայտնել էր 168.am-ը, նախորդ՝ 2024 թվականի տվյալներով, Երևանի և Բրյուսելի միջև կապերի սերտացման տրամաբանության մեջ նույնատիպ թեմաներով խորհրդատվական ծառայությունների դիմաց ընկերությունը որպես ՀՀ-ից ստացած եկամուտ նախանշել էր 400,000-499,999 եվրո գումարը։

ՀՀ կառավարության և ՆԱՏՕ-ի նախկին գլխավոր քարտուղարի մասնավոր համագործակցությունը սկսվել է 2023 թվականին։ 2023 թվականի մարտի 13-14-ին Անդերս Ֆոգ Ռասմուսենն աշխատանքային այցով ժամանեց Հայաստան, որի ընթացքում դատապարտեց Լեռնային Ղարաբաղի շրջափակումը և Ադրբեջանին կոչ արեց անհապաղ բացել Լաչինի միջանցքը։

Նյութն ամբողջությամբ՝ սկզբնաղբյուր կայքում։

Այս թեմայով Եվրո-2027. Հայաստանի Մ-21 հավաքականը ոչ-ոքիով ավարտեց ընտրական փուլը