Նման հայտարարություններն ընդամենը «բառային աճպարարություն» են և սեփական քաղաքացիներին մոլորեցնելու փորձ. Զախարովա

ՌԴ ԱԳՆ պաշտոնական ներկայացուցիչ Մարիա Զախարովան քննադատել է ՀՀ վարչապետ Նիկոլ Փաշինյանի հայտարարությունները՝ Եվրասիական տնտեսական միության (ԵԱՏՄ) և Եվրոպական միության (ԵՄ) միջև Հայաստանի կատարելիք ընտրության վերաբերյալ։
Ըստ բանախոսի, ՀՀ վարչապետի ելույթներում որևէ հստակություն չկա, իսկ նման հայտարարություններն ընդամենը «բառային աճպարարություն» են և սեփական քաղաքացիներին մոլորեցնելու փորձ։
Զախարովան հիշեցրել է, որ դեռևս մայիսի 29-ին ԵԱՏՄ անդամ պետությունների ղեկավարները Երևանի առջև հստակ հարցադրումներ են արել, որոնց պատասխանները մինչ օրս չեն ստացվել։
Նա նաև ընդգծել է, որ պաշտոնական Երևանի գործողությունների տրամաբանությունը շարունակում է անհասկանալի մնալ գործընկերների համար։ «Նույնիսկ տարրական կենսական տրամաբանությունը հուշում է, որ նման քայլեր ձեռնարկելուց առաջ իշխանությունները նախ պետք է պարզեն սեփական ժողովրդի կարծիքը»,- իր խոսքում նշել է Զախարովան։

Այս թեմայով Արցախի հանրային խորհրդի անդամները նոյեմբերի 9-ին կայցելեն Եռաբլուր Մեր հանձնառությունն է՝ րոպե առաջ հնարավոր դարձնել Ադրբեջանի հետ խաղաղության համաձայնագրի ստորագրումը. Արարատ Միրզոյան Ինչո՞ւ է Անկախության հռչակագիրը հայտնվել Բաքվի նշանառության տակ. «Փաստ» Սեռական բռնության մեղադրանք, միջազգային հետախուզում․ ԱՄՆ քաղաքացին հայտաբերվել է Գյումրիում Հայաստանի ճակատագիրը ոչ ոքի չի հետաքրքրում․ Կիսելյով