Գյումրու 102-րդ ռազմաբազայի շուրջ նոր սցենար է գեներացնում իշխանությունը

Նոյեմբերի 3֊ին իշխանությանը մոտ կանգնած Factor լրատվականը նյութ տարածեց` 26 վայրկյանանոց տեսանյութ, որտեղ ենթադրյալ ռուս զինվորները խոշտանգում էին քաղաքացիական ինչ֊որ անձի և ասում, թե «Гюмри наш город». Պարզվեց նյութը լրատվական կայքին փոխանցել էր Հելսինկյան գրասենյակի ղեկավար հակառուսական տրամադրվածությամբ հայտնի Արթուր Սաքունցը։ Արթուր Սաքունցը չի նշում, թե իրեն տեսանյութը որտեղից, բայց իրավապահ մարմիններին հաղորդում է ներկայացվում քննություն սկսելու։

Առաջին հայացքից նորմալ իրավական գործընթաց է, որը պետք է քննվի ու անպայման գտնեն իրենց արտոնյալ կարծող զինվորներին։ Բայց դա միայն առաջին հայացքից.... 

Նախ տեսանյութը նկարված է այն դիրքից կարծես բեմադրություն է և ռեժիսորը հանգիստ նկարում է։ Հարց է առաջանում կռվի ժամանակ ո՞վ էր ֆիքսում հետքերը։ 

Հետո անպայման ռեժիսորը չի ֆիքսում դեմքերը. սա արվում է նրա համար, որ հետո իրավապահները թեման երկար ծամծմելուց հետո տանեն փակուղի, բայց այդ ընթացքում թեմայի քաղաքական երանգը անպայման պահելով։

Եվ վերջապես վրա է հասնում ծանր հրետանին, երբ սպասված աղմուկը չի արձանագրվում և «թասիբով» գյումրեցին ոչ էլ վերցնում֊դնում է թեման , մեքենայի սալոնից ուղիղ հեռարձակում է անում ներկա իշխանությունների սիրելի Դանիել Իոննեսյանը և զարմանք հայտնում, թե ինչո՞ւ հանրային աղմուկ չկա։ Այո ճիշտ նույն հրահրելու սցենարով։ 

Ռուսական ռազմաբազան ուղիղ հեռացնելու հետևանքները շատ լավ պատկերացնող իշխանությունները Սարիկ Մինասյանի, Դավիթ Առուշանյանի էժան թեմաներից հետո անցան էժան բեմադրությունների։