Թուրքիայի նախագահ Ռեջեփ Թայիփ Էրդողանը որոշել է ևս մեկ քայլով ընդառաջել Ադրբեջանի նախագահ Իլհամ Ալիևին

Թուրքիայի նախագահ Ռեջեփ Թայիփ Էրդողանը որոշել է ևս մեկ քայլով ընդառաջել Ադրբեջանի նախագահ Իլհամ Ալիևին` Անկարայի ու Բաքվի լարված հարաբերությունների  կարգավորման  համար։ Ադրբեջանական Oxu.az -ը հայտնում է, որ   Էրդողանը կմեկնի Ադրբեջան։ Ըստ լրատվամիջոցի, այցի ընթացքում Թուրքիայի նախագահը կմասնակցի նոյեմբերի 8-ին, այսպես կոչված, « Հաղթանակի օրվան» նվիրված  տոնական միջոցառումներին։ 
Հավելենք, որ այսպես կոչված, «Հաղթանակի օրը» Ադրբեջանում անվանում են Արցախյան 44-օրյա պատերազմի ավարտը։
 «Ադրբեջանը նշում է Հաղթանակի օրը նոյեմբերի 8-ին։ Եթե որևէ արտակարգ բան չպատահի, ես պլանավորում եմ այդ օրն այցելել Ադրբեջան։ Հուսով եմ, որ այս այցը հնարավորություն կտա ձեռնարկել անհրաժեշտ քայլերը։ Ես արդեն հեռախոսազրույցներ եմ ունեցել Ադրբեջանի նախագահ  Իլհամ Ալիևի հետ։ Իհարկե, ես նաև Ադրբեջան եմ ուղարկել իմ հետախուզության ղեկավարին և արտաքին գործերի նախարարին։ Հեռախոսային դիվանագիտություն է իրականացվել և շարունակվում է ։Նրանք նույնպես մեծ նշանակություն են տալիս 8-ի Հաղթանակի օրվան»,- մասնավորապես ասել է Էրդողանը։ 
Աղբյուրի փոխանցմամբ, նա ընգծել է, որ Թուրքիայի և Ադրբեջանի հարաբերությունները շատ ավելին են, քան դասական դիվանագիտական շփումները։ «Մեր երկու երկրների միջև անխզելի կապը մեր ընդհանուր պատմության, մշակույթի, ճակատագրի և, Աստծո կամոք, մեր ապագայի արդյունքն է։ Աստծո կամոք՝ չկա որևէ խոչընդոտ, որը Թուրքիայի և Ադրբեջանի եղբայրությունը չկարողանա հաղթահարել»,- հայտարարել է Թուրքիայի նախագահը։

Այս թեմայով Մեր հանձնառությունն է՝ րոպե առաջ հնարավոր դարձնել Ադրբեջանի հետ խաղաղության համաձայնագրի ստորագրումը. Արարատ Միրզոյան Ովքե՞ր և ինչո՞ւ են լռեցնում արցախցու ձայնը. «Փաստ» Իսրայելին տրվող ամերիկյան օգնությունը կդադարեցվի. Թրամփ Հայաստանն ու Ադրբեջանը միջազգային ատյաններից հայցերը հետ կվերցնեն, երբ վերջնական ստորագրվի խաղաղության պայմանագիրը. Լիլիթ Մակունց Թուրքիայի նախագահ Ռեջեփ Թայիփ Էրդողանը շնորհավորական ուղերձ է հղել Ադրբեջանի նախագահին