Արցախի հանրային խորհրդի անդամները նոյեմբերի 9-ին կայցելեն Եռաբլուր

Արցախի հանրային խորհրդի անդամները նոյեմբերի 9-ին կայցելեն Եռաբլուր. նամակներ կհանձնվեն նաեւ Կառավարությանն ու ՀՀ-ում ՌԴ դեսպանատանը։
2020 թվականի 44-օրյա պատերազմի հրադադարի հաստատման վերաբերյալ եռակողմ հայտարարության ստորագրման 6-րդ տարելիցի կապակցությամբ, նոյեմբերի 9-ին, Ժամը 10.00-ին,  ԱՀ Հանրային խորհուրդը կազմակերպում է այցելություն Եռաբլուր զինվորական պանթեոն՝ հարգանքի տուրք մատուցելու հայրենիքի պաշտպանության համար իրենց կյանքը զոհաբերած հերոսների հիշատակին։ Այս մասին հայտարարել է Արցախի Հանրապետության Հանրային խորհուրդը։

«Նույն օրը պաշտոնական նամակներ կհանձնվեն 2020 թվականի նոյեմբերի 9-ի եռակողմ հայտարարության ստորագրման կողմերից երկուսին՝ Հայաստանի Հանրապետությունում Ռուսաստանի Դաշնության դեսպանատանը և Հայաստանի Հանրապետության կառավարությանը։

Նամակների հիմնական ուղերձը նոյեմբերի 9-ի հայտարարությամբ ստանձնած, սակայն մինչ օրս չկատարված պարտավորությունների, ինչպես նաև արցախցիների՝ հայրենիք վերադառնալու իրավունքի հարցի ապահովումն է։
Սիրելի՛ հայրենակիցներ, Հրավիրում ենք բոլորիդ միանալու մեզ՝ միասին հարգանքի տուրք մատուցելու մեր հերոսների հիշատակին և բարձրաձայնելու մեր իրավունքների պաշտպանության կարևորագույն հարցերը»,- մասնավորապես ասված է հրապարակման մեջ։

Այս թեմայով Նման հայտարարություններն ընդամենը «բառային աճպարարություն» են և սեփական քաղաքացիներին մոլորեցնելու փորձ. Զախարովա Մեր հանձնառությունն է՝ րոպե առաջ հնարավոր դարձնել Ադրբեջանի հետ խաղաղության համաձայնագրի ստորագրումը. Արարատ Միրզոյան Ովքե՞ր և ինչո՞ւ են լռեցնում արցախցու ձայնը. «Փաստ» Ինչո՞ւ է Անկախության հռչակագիրը հայտնվել Բաքվի նշանառության տակ. «Փաստ» Սեռական բռնության մեղադրանք, միջազգային հետախուզում․ ԱՄՆ քաղաքացին հայտաբերվել է Գյումրիում