Լրիվ ապօրինի գործով նախ կինո են սարքում, Վեհափառի ու եպիսկոպոսների դեմ քրգործեր են հարուցում, վերջում էլ, թե. «Հա, էս գործը մի քիչ էն չէր, եկեք կարճենք»․ Վրթանեսյան

Հետաքրքիր ժամանակագրություն, որից պարզ է դառնում, թե ինչ ֆոկուս արեցին նիկոլենք 2+ ամիս՝ ձգձգելով Արման Սարոյանի գործով դատական ակտի հրապարակումը։ Այս մասին ֆեյսբուքյան իր էջում գրառում է արել մեդիա փորձագետ Կարեն Վրթանեսյանը։

«Օգոստոսի 14-ին պիտի հրապարակվեր կարգալույծ Արման Սարոյանի` Եկեղեցու դեմ հայցի գործով դատական ակտը, բայց այն 2+ ամիս չի հրապարակվում։

Ի՞նչ է կատարվում այդ 2 ամսում։

Օգոստոսի 20. հրապարակվում կառավարության 2026-31 թթ. գործունեության ծրագիրը, որում բացեիբաց նշվում է, որ Եկեղեցու դեմ արշավը շարունակվելու է։

Օգոստոսի 25. ԱԺ-ն ընդունում է կառավարության ծրագիրը։

Սեպտեմբերի 24. վարչապետի աշխատակազմին կից

«Հանրային կապերի և տեղեկատվության կենտրոն» ՊՈԱԿ-ը հրապարակում է Եկեղեցու մասին տարբեր տարիներին հնչած բամբասանքների և մեղադրանքների ժողովածու, անունը դնում «զեկույց»։

Հոկտեմբերի 6. Քպ-ական պատգամավորները ԱԺ են բերում հակաեկեղեցական «քննիչ» հանձնաժողով ստեղծելու առաջարկ, որը, բնականաբար, ընդունվում է։

Հոկտեմբերի 9. ԱԺ նախագահի աթոռում նստած Ռուբեն Ռուբինյանը հաստատում է հանձնաժողովի անդամների ցանկը։

Հոկտեմբերի 22 (ամենաչքնաղը). դատական ակտը, որը պետք է հրապարակվեր դեռ օգոստոսի 14-ին, վերջապես հրապարակվում է և պարզվում է, որ դատարանը ԿԱՐՃԵԼ Է (այսինքն համարել է անհիմն) Արման Սարոյանի հայցն ընդդեմ Եկեղեցու»,-գրել է Վրթանեսյանը։