Կիրանցում հեռախոսի էկրաններին գրվում է «Խեյրիմլի». hraparak.am

Կիրանց գյուղի բնակիչներն աղբյուրին հայտնել են, որ երբ կանգնում են գյուղի կենտրոնում` դպրոցի նախկին շենքի մոտ կամ այլ հատվածներում, իրենց հեռախոսների էկրաններին գրվում է «Խեյրիմլի»։
Նշենք, որ  Սովետական տարիներին ադրբեջանաբնակ փոքրիկ Խեյրիմլի գյուղը, որը գտնվում էր Կիրանցից մի քանի հարյուր մետր հեռավորության վրա` հազիվ 25-30 տնից կազմված, իսկ 92-ից ի վեր առհասարակ գոյություն չի ունեցել, ոչ ոք, անգամ ժամանակին այնտեղ ապրած ադրբեջանցիները 30 տարի չեն հիշել դրա գոյության մասին: 
Աղբյուրի հաղորդմամբ, այդ մասին առաջինը հիշել և «Խեյրիմլի» բառն արտաբերել է Նիկոլ Փաշինյանը, իսկ 2024 թվականին` սահմանազատման անվան տակ, միակողմանի հանձնեց Ադրբեջանին։
Թե ինչպես է այդ տեղանունը հայտնվել Գուգլի կամ այֆոնների տեսադաշտում, ըստ ազբյուրի, դրա պատճառը բացառապես ադրբեջանական ագրեսիվ քաղաքականությունն է, ի տարբերություն Հայաստանի պարտվողական ու ամեն ինչ հանձնելու-մոռանալու քաղաքականության: 
Աղբյուրի փոխանցմամբ, Կիրանցի միայն մի մասում է հեռախոսների էկրանին գրվում «Կիրանց»։

Այս թեմայով COP 17-ի շրջանակում կազմակերպության կողմից գնված գույքն ամբողջությամբ ՀՀ գույքն է և օգտագործվելու է ըստ անհրաժեշտության․ Մկրտչյան