Ադրբեջանցի հովիվ է Հայաստանի սահմանը հատել․ 5tv.am

5tv.am-ի տեղեկություններով՝ ադրբեջանցի հովիվ է հատել Հայաստանի սահմանը: Լրատվականին ասել են, որ նրան հայտնաբերել են և նա այժմ Բերդ քաղաքի ռազմական ոստիկանությունում է: 

ՊՆ-ից դեռ չեն մեկնաբանում, Տավուշի համայնքապետներից մեկն ասել է, որ ինքն էլ է լսել այդ մասին, բայց հստակ տեղեկություն չունի, ասել է՝ «Մեր շրջանի անտառներով է եկել»: 

ԱԱԾ-ից ևս ասել են, որ այս պահին նման տեղեկություն չունեն, կճշտեն, կասեն, սակայն որոշ ժամանակ անց հորդորել են գրավոր հարցում ուղարկել։ 

Մեկ այլ համայնքապետի հետ էլ է զրուցել 5tv.am-ը , ասել են, որ Այգեձորի հատվածով է անցել ու այժմ ռազմական ոստիկանությունում է: Համայնքապետն ասել է, որ թեև եղանակը մառախլապատ ու անձրևային է եղել, սակայն կա վարկած, որ կամավոր է անցել սահմանը և քաղաքական ապաստարան խնդրել: