«Կցանկանա՞ք կրկին փորձել ձեր բախտը»․ Իրանի ԱԳ նախարարը պատասխանել է Թրամփի սպառնալիքին

Իրանի արտաքին գործերի նախարար Աբաս Արաղչին նախազգուշացրել է ԱՄՆ նախագահ Դոնալդ Թրամփին Իսլամական Հանրապետության դեմ նոր ռազմական գործողության հնարավոր հետևանքների մասին։ Նա հայտարարել է, որ Իսրայելի վարչապետ Բենիամին Նեթանյահուն Վաշինգտոնին ներքաշում է հերթական պատերազմի մեջ՝ սեփական քաղաքական անվտանգությունը պահպանելու համար։

«Նախորդ անգամ, երբ դուք ցանկացաք «ավարտել սկսածը», Իրանը դրանից դուրս եկավ էլ ավելի ուժեղ։ Կցանկանա՞ք կրկին փորձել ձեր բախտը։ Խնդրեմ։ Բայց զգույշ եղեք․ մենք էլ ունենք անավարտ գործեր», — գրել է Արաղչին X սոցիալական ցանցում։

Իրանի արտաքին քաղաքական գերատեսչության ղեկավարի կարծիքով, Նեթանյահուն ԱՄՆ-ին մղում է դեպի նոր ռազմական հակամարտություն՝ բանտարկությունից խուսափելու համար՝ հաշվի չառնելով Իսրայելի և ԱՄՆ նախագահ Դոնալդ Թրամփի համար հնարավոր հետևանքները։

«Նեթանյահուն Ամերիկան ներքաշում է հերթական պատերազմի մեջ, որպեսզի ինքը խուսափի բանտից՝ անկախ այն բանից, թե ինչ հետևանքներ դա կունենա Իսրայելի համար, էլ չասած ԱՄՆ նախագահի մասին», — հայտարարել է Արաղչին։

Այս թեմայով Ժաննա Անդրեասյանը շրջել է COP17-ի «Կանաչ գոտու» տաղավարներում Հոկտեմբերի 20-ին երիտասարդ գիտնականները կհանդիպեն ժաննա Անդրեասյանի հետ Հայաստանի հետ երկկողմ մակարդակով իրականացնում ենք կարգավորման գործընթաց. Թուրքիայի ԱԳ փոխնախարար Երևանի հեռուստաաշտարակը լուսավորվել է վարդագույնով` ի նշան կրծքագեղձի քաղցկեղի դեմ պայքարի COP 17-ի շրջանակում կազմակերպության կողմից գնված գույքն ամբողջությամբ ՀՀ գույքն է և օգտագործվելու է ըստ անհրաժեշտության․ Մկրտչյան