Ադրբեջանի հաղթանակը հպարտության աղբյուր դարձավ ողջ թյուրքական աշխարհի համար. Էրդողանը շնորհավորել է Ալիևին

Էրդողանը շնորհավորել է Ալիևին՝ «Հաղթանակի» օրվա կապակցությամբ։

Էրդողանը նշել է, թե երեսուն տարի շարունակ «օկուպացիայի տակ գտնվող ադրբեջանական հողերի ազատագրումն» ազդարարող «Հաղթանակի» օրվա վեցերորդ տարելիցի կապակցությամբ շնորհավորանքներ է հղում ադրբեջանցի եղբայրներին ու քույրերին:

«Ադրբեջանի արդարացի պայքարը, որը պսակվեց մեծ հաղթանակով, հպարտության աղբյուր դարձավ ողջ թյուրքական աշխարհի համար։ Օկուպացիայից ազատագրված տարածքների վերականգնման և վերածննդի գործընթացի արագ առաջընթացը բոլորիս մոտ հպարտության զգացում է առաջացնում»,-նշված է ուղերձում։

Ուղերձում շեշտվել է երկու երկրների միջև ռազմավարական գործընկերության խորացումը և Հարավային Կովկասում կայունության ամրապնդման կարևորությունը։

Հիշեցնենք՝ 2020 թվականի նոյեմբերի 9-ին ստորագրվեց և ուժի մեջ մտավ Հայաստանի Հանրապետության վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Ռուսաստանի Դաշնության նախագահ Վլադիմիր Պուտինի միջև եռակողմ հայտարարությունը, որով ավարտվեց 44-օրյա պատերազմը Արցախում։

Այս թեմայով Ադրբեջանը վերականգնել է արդարությունն ու իր իրավունքները. Ալիև Արցախի հանրային խորհրդի անդամները նոյեմբերի 9-ին կայցելեն Եռաբլուր Ովքե՞ր և ինչո՞ւ են լռեցնում արցախցու ձայնը. «Փաստ» Լրանում է Արցախի խորհրդանիշներից մեկի՝ «Մենք ենք, մեր սարերը» հուշարձանի բացման 59-ամյակը Աջակցում ենք այն շփումներին, որոնք մեր ադրբեջանցի եղբայրները ունեն Հայաստանի հետ. Էրդողան